Thursday, October 19th, 2017

வவுனியா இந்து அன்பகத்தின் நீர்ப்பிரச்சினையைத் தீர்த்துவைத்த ரஜிந்தாவின் பெற்றோர்

Published on October 12, 2012-11:09 am   ·   No Comments

வவுனியா இந்து அன்பகத்திற்கு பிரான்சிலிருந்து இயங்கும் ரி.ஆர்.ரி. தமிழொலி வானொலி நேயர் பொன்னம்பலம் கணேசலிங்கம் சதீஸ் தம்பதியர் தமது புதல்வி அமரர் செல்வி ரஜிந்தாவின் நியாபகார்த்தமாக அவரது நினைவுநாளில் ஆழ்குழாய்க் கிணறு அமைத்து நீர்த்தாங்கியையும் கட்டிக்கொடுத்துள்ளனர்.

இதன் திறப்பு விழா அண்மையில் நடைபெற்றது.

வவுனியா வேப்பங்குளத்தில் அமைந்துள்ள இந்து அன்பகத்தில் தாய் தந்தையரை இழந்த மற்றும் வறுமையால் வாடும் பெற்றோர்களின் பிள்ளைகள் தங்கியுள்ளனர்.

வவுனியாவில் நிலவும் வரட்சி இந்து அன்பகத்தையும் விட்டுவைக்கவில்லை. இந்நிலையத்தின் கிணறு வற்றிவிட்டதால் அன்பகம் பெரும் நீர்ப்பிரச்சினைக்கு முகங்கொடுக்க நேர்ந்தது. இந்த விடயம் வன்னி மாவட்ட பாராளுமன்ற உறுப்பினர் சிவசக்தி ஆனந்தனின் கவனத்திற்குக் கொண்டுவரப்பட்டது. அவரது வேண்டுகோளுக்கு இணங்க பிரான்சிலிருந்து இயங்கும் ரி.ஆர்.ரி. தமிழொலி வானொலி நேயர் பொன்னம்பலம் கணேசலிங்கம் சதீஸ் தம்பதியர் தமது புதல்வி அமரர் செல்வி ரஜிந்தாவின் நியாபகார்த்தமாக அவரது நினைவுநாளில் ஆழ்குழாய்க் கிணறு அமைத்து நீர்த்தாங்கியையும் கட்டிக்கொடுத்துள்ளனர்.

இந்து அன்பகத்தின் தலைவி சாமிஅம்மா என்று அழைக்கப்படுகின்ற சிவச்செல்வி கு.ஜெயராணி அவர்களின் தலைமையில் நடைபெற்ற நீர்த்தாங்கியின் அங்குரார்ப்பண நிகழ்வில் பிரதம விருந்தினராக வன்னி மாவட்ட பாராளுமன்ற உறுப்பினர் சிவசக்தி ஆனந்தன் கலந்துகொண்டார். கௌரவ விருந்தினர்களாக பண்டாரிக்குளம் முத்துமாரியம்மன் தேவஸ்தானத்தைச் சேர்ந்த சிவஸ்ரீ ஆதி சௌந்தர்ராஜா குருக்கள், கிளிநொச்சி பிராந்திய மின்சாரசபை பொறியியலாளர் பிரபாகரன், யாழ் இணுவிலைச் சேர்ந்த ஓய்வு பெற்ற பொறியியலாளரான பொ.பாலசுப்பிரமணியம், ஓய்வு பெற்ற வங்கியாளர் வை.ஸ்ரீஸ்கந்தவரோதயன், வவுனியா தமிழ்ச்சங்கத் தலைவர் தமிழருவி த.சிவகுமாரன் ஆகியோர் கலந்துகொண்டனர். இவர்களுடன் மருத்துவக்கலாநிதி கந்தையா இராமச்சந்திரன், வவுனியா பிரதேசசபை உறுப்பினர் கதிர்காமு பரமேஸ்வரன், சமூகசேவையாளர்கள் திரு.திருமதி. மா.கதிர்காமராஜா மற்றும் சண்மாஸ்டர் ஆகியோரும் கலந்துகொண்டனர்.
இந்நிகழ்வில் அன்பகச் சிறார்களின் கலைநிகழ்வுகளும் இடம்பெற்றன.

அங்குரார்ப்பண நிகழ்வில் கலந்துகொண்டு உரையாற்றிய வன்னிப் பாராளுமன்ற உறுப்பினர் சிவசக்தி ஆனந்தன்,
எமது புலம்பெயர் உறவுகளும் தாய்நாட்டில் வாழும் உறவுகளும் தங்களது ஆடம்பரச் செலவினங்களைக் குறைத்து வடக்கு-கிழக்கில் பல்வேறு காப்பகங்களில் தமது எதிர்காலக்கனவுகளைச் சுமந்து வாழும் பல்லாயிரக்கணக்கான சிறார்களின் வாழ்க்கையில் ஒளியேற்ற முன்வரவேண்டும். எம்மீது திணிக்கப்பட்ட யுத்தம் பல்லாயிரக்கணக்கான சிறார்களை ஆதரவற்றவர்களாக ஆக்கியுள்ளது. அவர்கள் பல்வேறு காப்பகங்களில் தங்கியுள்ளனர். வவுனியா மாவட்டத்தில் மட்டும் ஒன்பது காப்பகங்களில் 1200 சிறார்கள் வசிக்கின்றனர்.
எமது உறவுகள் அவர்களது எதிர்காலக் கனவுகளை நிறைவேற்றுவதற்கு முன்வர வேண்டும். தங்களது பிள்ளைகளின் பூப்புனித நீராட்டுவிழா, பிறந்தநாள்விழா, திருமணம் போன்ற வைபவங்களுக்கான ஆடம்பரச் செலவுகளைக் குறைத்துக்கொண்டு காப்பகங்களில் வாழுகின்ற சிறார்களுக்கு உதவ முன்வரவேண்டும்.

இதற்கு முன்னுதாரணமாக யாழ் இணுவிலைப் பிறப்பிடமாகக் கொண்டு பிரான்சில் வசித்துவரும் கணேசலிங்கம் தம்பதியர் திகழுகின்றனர். தமது புதல்வியின் நினைவுநாளில் வவுனியா இந்து அன்பகத்தில் வசிக்கும் நூற்றுக்கணக்கான பிள்ளைகளின் நீர்ப்பிரச்சினையைத் தீர்த்து அந்தக்குழந்தைகளின் மகிழ்வில் தமது புதல்வி ரஜிந்தாவின் சிரிப்பைப் பார்க்கின்றனர்.
ரி.ஆர்.ரி வானொலி தமது நேயர்களின் மூலம் பல்வேறு வழிகளிலும் யுத்தத்தால் பாதிப்புற்ற எமது மக்களுக்கு உதவிகளை வழங்கி வருகின்றது. அவர்களது பணி சிறக்க வேண்டும். இதனை ஏனையோர்களும் பின்பற்ற வேண்டும் என்று கூறினார்.

Readers Comments (0)

Comments are closed.

செய்திகள்

batti

மட்டக்களப்பில் புதிய உள்ளூராட்சி சபைகளை ஏற்படுத்த தமிழ்தேசிய கூட்டமைப்பு ஆராய்வு! [October 17, 2017]

மட்டக்களப்பு மாவட்டத்தில் புதிய நகரசபை உள்ளூராட்சி சபைகளை ஏற்படுத்த தமிழ்தேசிய ...
sampanthan

தேசிய தீபாவளி நிகழ்ச்சியில் பேசாமல் போன ஜனாதிபதி. [October 16, 2017]

பிரதமர் அலுவலகமும் புனர்வாழ்வு, மீள்குடியேற்றம் மற்றும் இந்து மத அலுவல்கள் ...
kattankudy

குழு மோதலில் ஏழு பேர் காயம். [October 16, 2017]

மட்டக்களப்பு காத்தான்குடி பொலிஸ் பிரிவிலுள்ள புதிய காத்தான்குடியில், இரு குழுக்களிடையில் ...
agri

புத்தூரில் விவசாயிகளுக்கு உணவு பயிர்கன்றுகள், பழமரக்கன்றுகள் ஜனாதிபதியால் வழங்கிவைப்பு. [October 14, 2017]

விளைச்சல் பெருகிட ஒருமித்து எழுவோம்' தேசிய உணவு உற்பத்திப் புரட்சி ...
valvai

தீருவில் பூங்காவில் மர நடுகைத் திட்டம் ஆரம்பம்…! [October 14, 2017]

தீருவிலில் அமைந்துள்ள பூங்கா வுக்கான நில மீட்பு பயங்கரவாதத் தடுப்புப் ...
president

என்னை பலவீனமாக்கினால் மீண்டும் பேய்கள் உருவாகும்- ஜனாதிபதி [October 14, 2017]

தேசிய தமிழ் தின விழாவிற்கு வருகை தந்த ஜனாதிபதி யாழ்.இந்துக் ...
maruthankerny hospital 3

மருதங்கேணி வைத்தியசாலைக்கு சுவிஸ் வடமராட்சி கிழக்கு ஒன்றியம் குடிநீர் சுத்திகரிப்பு இயந்திரம் அன்பளிப்பு [October 7, 2017]

சுவிஸ் வடமராட்சி கிழக்கு ஒன்றியம் மருதங்கேணி பிரதேச வைத்தியசாலைக்கு நோயாளர்களின் ...
img42

ஆன்மீகவாதி கணேசகுமாருக்கு ʺமுருகசிரோன்மணிʺ பட்டம் வழங்கிக் கௌரவிப்பு [September 23, 2017]

செங்காளன் சென்மாரக்கிறெத்தன் அருள்மிகு ஸ்ரீ கதிர்வேலாயுதசுவாமி ஆலயத்தின் தலைவர் ஆன்மீகவாதி ...
vada 8

சுவிஸ் வடமராட்சி கிழக்கு ஒன்றியத்தின் ஏற்பாட்டில் வறிய மக்களுக்கும் மாணவர்களுக்குமான உதவிகள். [September 23, 2017]

சுவிஸ் வடமராட்சிகிழக்கு ஒன்றியத்தின் ஏற்பாட்டில் வடமராட்சி கிழக்கில் சுனாமியாலும் யுத்தத்தாலும் ...
gunaseelan

ரெலோ உறுப்பினர் குணசீலன் மகிந்த தரப்பிடமிருந்து 2கோடியை பெற்றார் என ரெலோ சிறிகாந்தா குற்றச்சாட்டு [August 24, 2017]

கட்சியின் முடிவை மீறி அமைச்சர் பதவியைப் பொறுப்பேற்ற ரெலோவின் மாகாணசபை ...