Thursday, October 19th, 2017

தமக்கு வேலை வழங்குமாறு முன்னாள் விடுதலைப்புலிகள் இராணுவத்திடம் வேண்டுகோள்

Published on January 2, 2017-1:07 pm   ·   No Comments

former-ltte-5இராணுவத்தின் ஒரு பிரிவான சிவில் பாதுகாப்பு திணைக்களத்தில் தங்களுக்கு வேலை வழங்குமாறு நூற்றுக்கும் மேற்பட்ட விடுதலைப்புலிகளின் முன்னாள் போராளிகள் இன்று காலை கிளிநொச்சி இரணைமடுவில் அமைந்துள்ள சிவில் பாதுகாப்பு பிரிவிற்கு முன்னால்  ஒன்று திரண்டு வேண்டுகோள் விடுத்தனர்.

சிவில் பாதுகாப்பு பிரிவின் கிளிநொச்சி கட்டளை அதிகாரி மேஜர் சாகர வீரசிங்கவிடம் இந்த வேண்டுகோளை விடுத்து மகஜர் ஒன்றையும் கையளித்தனர்.

இராணுவத்தின் சிவில் பாதுகாப்பு பிரிவில் வேலை வழங்கப்படுவதாக யாரோ பரப்பிய செய்தியை அறிந்த நூற்றுக்கும் மேற்பட்ட ஆண் பெண் முன்னாள் விடுதலைப்புலிகள் தாங்கள் புனர்வாழ்வு பெற்று வெளியில் வந்த காலம் முதல் நிரந்தர தொழில் இன்றி பெரும் பொருளாதார நெருக்கடிக்குள் வாழ்ந்து வருவதாகவும், தங்களுக்கு இராணுவத்தின் கீழ் இயங்கும் சிவில் பாதுகாப்பு பிரிவில் வேலை வழங்குமாறும் கோரி நின்றனர்.

இராணுவத்தின் சிவில் பாதுகாப்பு பிரிவில் புதிதாக ஆட்கள் எடுப்பதாக தங்களுக்கு தகவல் கிடைத்தது என்றும் அதனடிப்டையில் இன்று (02) தேசிய அடையாள அட்டை மற்றும் புனர்வாழ்வு பெற்று விடுதலையான கடிதம் ஆகியவற்றுடன் வருமாறு தகவல் வெளியாகியிருந்தது.
அதற்காகவே இங்கு வந்திருகின்றோம். எனவே எங்களுக்கு வேலை தாருங்கள் என கிளிநொச்சி கட்டளை அதிகாரி மேஜர் சாகர வீரசிங்கவிடம் கோரிநின்றனர்.

இராணுவ சிவில் பாதுகாப்பு பிரிவில் இணைந்து கொண்டவர்களுக்கு 30ஆயிரம் சம்பளம் வழங்கப்படுகிறது. இதில் இணைந்து கொண்ட முன்னாள் விடுதலைப்புலிகள் இப்போது வசதியாக இருக்கின்றனர். இதன் மூலம் அந்தக் குடும்பங்கள் நிம்மதியாக வாழ்கின்றனர். எனவே அவ்வாறானதொரு நிம்மதியான வாழ்க்கையை ஏனைய முன்னாள் போராளிகளும் பெற்றுக்கொள்ள எங்களுக்கும் இராணுவத்தில் வேலை தாருங்கள் எனத் தெரிவித்தனர்.

நாங்கள் பல்வேறு இடங்களில் வேலைவாய்ப்பு கோரினால் முன்னாள் போராளிகளுக்கு தானே சிவில் பாதுகாப்புத் திணைக்களத்தில் வேலை இருக்கிறது என்றார்கள். விடுதலைப்புலிகள் இயக்கத்தில் இருந்தவர்களுக்கு வேலை வழங்க மறுக்கின்றனர். ஆனால் இராணுவத்திலும் முன்னாள் போராளிகளான எங்ளுக்கு வேலைவாய்ப்பு தர மறுக்கின்றீர்கள். என முன்னாள் விடுதலைப்புலிகள் கவலை தெரிவித்தனர்.

இது தொடர்பில் கிளிநொச்சி கட்டளை அதிகாரி மேஜர் சாகர வீரசிங்க கருத்து தெரிவித்த போது, இராணுவத்தின் சிவில் பாதுகாப்பு பிரிவிற்கு புதிதாக ஆட்கள் எடுப்பதாக வெளியான தவறான தகவலை அடிப்படையாக கொண்டு நூற்றுக்கணக்கான முன்னாள் போராளிகள் ஒன்று கூடியுள்ளனர்.

சிவில் பாதுகாப்பு பிரிவை பொறுத்தவரை தற்போதைக்கு புதிதாக ஆட்கள் எவரையும் உள்வாங்கும் நிலையில் இல்லை. இந்த முன்னாள் போராளிகளை பார்க்கும் போது கவலையாக இருக்கிறன்றது. இந்த விடயத்தில் எங்களால் எதுவும் செய்ய முடியாது. இராணுவ தலைமை அலுவலகமே இதனை தீர்மானிக்க முடியும் என கிளிநொச்சி கட்டளை அதிகாரி தெரிவித்தார்.

இதனையடுத்து அங்கிருந்து வெளியேறிய முன்னாள் விடுதலைப்புலிகள் இரணைமடுச் சந்தியில் சிறிலங்கா இராணுவத்தில் வேலை வழங்குமாறு கோரி கவனயீர்ப்பு நடவடிக்கை ஒன்றிலும் ஈடுபட்டனர். இதன் போது சில பெண் முன்னாள் போராளிகள் குழந்தைகளுடன் வேலைவாய்ப்பு கோரி காத்திருந்த பரிதாபமான சம்பவங்களும் இடம்பெற்றது.former-ltteformer-ltte-1former-ltte-2former-ltte-3former-ltte-4former-ltte-5

Readers Comments (0)

Comments are closed.

செய்திகள்

batti

மட்டக்களப்பில் புதிய உள்ளூராட்சி சபைகளை ஏற்படுத்த தமிழ்தேசிய கூட்டமைப்பு ஆராய்வு! [October 17, 2017]

மட்டக்களப்பு மாவட்டத்தில் புதிய நகரசபை உள்ளூராட்சி சபைகளை ஏற்படுத்த தமிழ்தேசிய ...
sampanthan

தேசிய தீபாவளி நிகழ்ச்சியில் பேசாமல் போன ஜனாதிபதி. [October 16, 2017]

பிரதமர் அலுவலகமும் புனர்வாழ்வு, மீள்குடியேற்றம் மற்றும் இந்து மத அலுவல்கள் ...
kattankudy

குழு மோதலில் ஏழு பேர் காயம். [October 16, 2017]

மட்டக்களப்பு காத்தான்குடி பொலிஸ் பிரிவிலுள்ள புதிய காத்தான்குடியில், இரு குழுக்களிடையில் ...
agri

புத்தூரில் விவசாயிகளுக்கு உணவு பயிர்கன்றுகள், பழமரக்கன்றுகள் ஜனாதிபதியால் வழங்கிவைப்பு. [October 14, 2017]

விளைச்சல் பெருகிட ஒருமித்து எழுவோம்' தேசிய உணவு உற்பத்திப் புரட்சி ...
valvai

தீருவில் பூங்காவில் மர நடுகைத் திட்டம் ஆரம்பம்…! [October 14, 2017]

தீருவிலில் அமைந்துள்ள பூங்கா வுக்கான நில மீட்பு பயங்கரவாதத் தடுப்புப் ...
president

என்னை பலவீனமாக்கினால் மீண்டும் பேய்கள் உருவாகும்- ஜனாதிபதி [October 14, 2017]

தேசிய தமிழ் தின விழாவிற்கு வருகை தந்த ஜனாதிபதி யாழ்.இந்துக் ...
maruthankerny hospital 3

மருதங்கேணி வைத்தியசாலைக்கு சுவிஸ் வடமராட்சி கிழக்கு ஒன்றியம் குடிநீர் சுத்திகரிப்பு இயந்திரம் அன்பளிப்பு [October 7, 2017]

சுவிஸ் வடமராட்சி கிழக்கு ஒன்றியம் மருதங்கேணி பிரதேச வைத்தியசாலைக்கு நோயாளர்களின் ...
img42

ஆன்மீகவாதி கணேசகுமாருக்கு ʺமுருகசிரோன்மணிʺ பட்டம் வழங்கிக் கௌரவிப்பு [September 23, 2017]

செங்காளன் சென்மாரக்கிறெத்தன் அருள்மிகு ஸ்ரீ கதிர்வேலாயுதசுவாமி ஆலயத்தின் தலைவர் ஆன்மீகவாதி ...
vada 8

சுவிஸ் வடமராட்சி கிழக்கு ஒன்றியத்தின் ஏற்பாட்டில் வறிய மக்களுக்கும் மாணவர்களுக்குமான உதவிகள். [September 23, 2017]

சுவிஸ் வடமராட்சிகிழக்கு ஒன்றியத்தின் ஏற்பாட்டில் வடமராட்சி கிழக்கில் சுனாமியாலும் யுத்தத்தாலும் ...
gunaseelan

ரெலோ உறுப்பினர் குணசீலன் மகிந்த தரப்பிடமிருந்து 2கோடியை பெற்றார் என ரெலோ சிறிகாந்தா குற்றச்சாட்டு [August 24, 2017]

கட்சியின் முடிவை மீறி அமைச்சர் பதவியைப் பொறுப்பேற்ற ரெலோவின் மாகாணசபை ...