Friday, December 15th, 2017

நாடாளுமன்ற உறுப்பினர் சுமந்திரனை படுகொலை செய்யும் திட்டம் தொடர்பாக மேலதிக தகவல்கள் வெளியாகியுள்ளன.

Published on February 15, 2017-10:13 am   ·   No Comments

sumanthiranநாடாளுமன்ற உறுப்பினர் சுமந்திரனை படுகொலை செய்யும் திட்டம் தொடர்பாக மேலதிக தகவல்கள் கிடைத்துள்ளதாக பயங்கரவாத தடுப்பு பிரிவினர் கிளிநொச்சி நீதிமன்றில் தெரிவித்துள்ளனர். இதற்காக சந்தேக நபர்களை தமது பொறுப்பில் எடுத்து விசாரிக்க அனுமதிக்க வேண்டும் என்றும் அவர்கள் கோரியுள்ளனர்.

தமிழ் தேசிய கூட்டமைப்பு பாராளுமன்ற உறுப்பினர் எம்.ஏ. சுமந்திரனை படுகொலை செய்ய திட்டம் தீட்டப்பட்ட விவகாரம் தொடர்பில் கைது செய்யப்பட்டுள்ள விடுதலை புலிகளின் முன்னாள் போராளிகளில் ஒருவரான வேலாயுதம் விஜயகுமார் என்பவரை பயங்கரவாத தடுப்பு பிரிவினர் தமது பொறுப்பில் எடுத்து விசாரணை செய்ய உள்ளனர்.

எதிர்வரும் 20, 21 மற்றும் 22ஆம் திகதிகளில் அனுராதபுரம் சிறைச்சாலைக்கு வெளியில் பயங்கரவாத புலனாய்வுப் பிரிவின் சிறப்பு விசாரணையாளர்களால் அழைத்துச் செல்லப்பட்டு விசாரணை செய்யப்படவுள்ளதாகவும், இதற்கான அனுமதி கிளிநொச்சி நீதிவான் ஏ. ஆனந்த ராஜாவிடம் பெறப்பட்டுள்ளது.

நாடாளுமன்ற உறுப்பினர் சுமந்திரனை கிளைமோர் குண்டு வைத்து கொலை செய்ய திட்டமிட்டனர் எனக் கூறப்படும் விவகாரம் தொடர்பில் முன்னாள் புலிகள் இயக்க உறுப்பினர்களான காராளசிங்கம் குலேந்திரன், வேலாயுதம் விஜயகுமார், முருகையா தவதேவன், மரியநாயகம் லுவிஸ் அஜந்தன், மதன் எனப்படும் சந்திரசேகரலிங்கம் வாசுதேவன் ஆகியோர் கைது செய்யப்ப்ட்டுள்ளனர்.

பயங்கரவாத புலனயவுப் பிரிவு தலைமையகத்தின் ஆலோசனையின் கீழ் செயற்பட்ட மூவர் கொண்ட சிறப்பு பொலிஸ் குழு கடந்த ஜனவரி 14ஆம் திகதி இரவு கிளிநொச்சியில் வைத்து 32 வயதுடைய முன்னாள் போராளியான முருகையா தவவேதனை கைது செய்தனர்.

தொடர்ந்து ஜனவரி 16ஆம் திகதி கிளிநொச்சியில் உள்ள நிதி நிறுவனம் ஒன்றில் வைத்து முன்னாள் போராளியான 37 வயதுடைய காராளசிங்கம் குலேந்திரன் என்பவரை பொலிஸார் கைது செய்துள்ளனர். இவரே மாஸ்டர் எனும் பெயரில் தகவல் வழங்கிய முன்னாள் போராளியுடன் தொடர்புபட்டவர் என்பதைக் கண்டறிந்த பொலிஸார் கைதான இருவரையும் வவுனியா பயங்கரவாத புலனயவுப் பணியகத்தில் தடுத்து வைத்து விசாரணை செய்தனர்.

இந்த விசாரணையில் தெரியவந்த தகவல்களுக்கு அமைவாக மாஸ்டர் என்பவரின் உறவுக்காரர் ஒருவரின் கிளிநொச்சி ஊற்றுப்புலம் பகுதியில் உள்ள வீடொன்றை பொலிஸார் சுற்றிவளைத்து தேடுதல் நடத்தினர். இதன் போதே அங்கிருந்து இரு சக்தி வாய்ந்த கிளைமோர் குண்டுகளை பொலிஸார் கைப்பற்றினர்.

தொடர்ந்து திருகோணமலையில் உள்ள வீட்டில் வைத்து மதன் எனப்படும் சந்திரசேகரலிங்கம் வாசுதேவன் எனும் முன்னாள் போராளியும் மருதங்கேணி கிழக்கில் உள்ள வீட்டில் வைத்து மரியநாயகம் லெவிஸ் அஜந்தன் ஆகியோரை பொலிஸார் கைது செய்தனர்.

இவர்களைக் கைது செய்யும் போது அவர்களிடம் போதைப்பொருள்களும் இருந்ததாக பொலிஸார் நீதிமன்றில் அறிக்கை சமர்ப்பித்துள்ளனர்.
கைதானவர்கள் அனைவரையும் எதிர்வரும் 27 ஆம் திகதி வரை அனுராதபுரம் சிறைச்சாலையில் விளக்கமறியலில் வைக்குமாறு உத்தரவிடப்பட்டுள்ளதுsumanthiran

Readers Comments (0)

Comments are closed.

செய்திகள்

DSC02631

முனைப்பினால் 34 பேருக்கு வாழ்வாதார உதவிகள் [December 11, 2017]

முனைப்பு சிறிலங்கா நிறுவனத்தின் வறுமைக் கோட்டின் கீழ் வாழும் மக்களின் வாழக்கைதரத்தினை மேம்படுத்தும் வேலைத்திட்டத்தின் கீழ்  இவ்வாண்டு (2017) 34 பேருக்குவாழ்வாதாரத்துக்கான உதவிகள் வழங்கி வைக்கப்பட்டுள்ளதுடன் அத்திட்டங்கள் ஊடாகபயனாளிகள் நாளாந்த வருமானத்தைப்பெற்று வருவதாக முனைப்பின்சிறிலங்காநிறுவனத்தின் செயலாளர் இ.குகநாதன் தெரிவித்தார்.   மட்டக்களப்பிலுள்ள தெரிவு செய்யப்பட்ட  சில குடும்பங்களுக்கு  வாழ்வாதரஉபகரணங்கள்  வழங்கும் நிகழ்வு  (9.12.2017) சனிக்கிழமை மாலை மட்டக்களப்பு கச்சேரியில்வைத்து வழங்கி வைக்கப்பட்டது. முனைப்பின் சிறிலங்காநிறுவனத்தலைவர் மா.சசிகுமார் தலைமையில் நடைபெற்ற நிகழ்வில்  பிரதம அதிதியாக மாவட்ட அரசாங்க அதிபர் மாணிக்கம் உதயகுமார் கலந்து கொண்டுபயனாளிகளுக்கு உபகரணங்களை வழங்கி வைத்தார். சுவிட்சர்லாந்து முனைப்பு நிறுவனத்தின் நிதி அனுசரணையுடன் இந்த வாழ்வாதார உபகரணங்கள் வழங்கப்பட்டன. இந்த வைபவத்தில்;  மட்டக்களப்பு மாவட்ட செயலக கணக்காளர் நேசராசா மற்றும்மட்டக்களப்பு மாவட்ட உள்ளுராட்சி உதவி ஆணையாளர் கே.சித்திரவேல் மற்றும்சுவிட்சர்லாந்து முனைப்பு நிறுவனத்தின்  நிறைவேற்றுப்பணிப்பாளர்மாணிக்கப்போடி.குமாரசுவாமி உட்பட முனைப்பு சிறிலங்கா நிறுவனத்தின்  பொருளாளர்அரசரெத்தினம்  தயானந்தரவி , உப செயலாளர் எல் தேவஅதிரன்  உட்பட பலமுக்கியஸ்தர்கள் கலந்து கொண்டனர்.
UNO GENEVA

69வது வருடத்தை கொண்டாடும் சர்வதேச மனித உரிமை பிரகடனம் . [December 10, 2017]

மனித உரிமைகளின் வரவிலக்கணம், அடிப்படைகளை கிறேக்கர், உரோம காலத்தில் உருவானதாக ...
HDRLanka (16)

இலங்கையில் பல்சமய இல்லம் [December 10, 2017]

நல்லிணக்கம் என்ற பெயருக்கு பின் உள்ள திரைமறைவு நகர்வுகளை இட்டு ...
TNA me

தமிழ் தேசியக் கூட்டமைப்புக்குள் பங்கு பிரிப்பில் குழப்பம்- அவசரமாக கூடுகிறது ரெலோ. [December 4, 2017]

எதிர்வரும் உள்ளுராட்சி தேர்தலில் சில சபைகளில் கூடிய ஒதுக்கீடுகளை தமக்கு ...
NFGG

ஜெனிவாவில் ஐ.நா. மனித உரிமை சபை அதிகாரிகளை காத்தான்குடி ரஹ்மான் சந்தித்தார். [November 21, 2017]

ஜெனிவாவுக்கான விஜயத்தை மேற்கொண்டிருக்கும் நல்லாட்சிக்கான தேசிய முன்னணியின் தவிசாளர் பொறியியலாளர் ...
Sampanthan

தூக்கி ஆட்டிய சம்பந்தனுக்கு நீங்கள் காட்டிய நல்லெண்ணம் என்ன? – மனோ கேள்வி [November 21, 2017]

சிறிலங்காவின் தேசிய கொடியை தூக்கி ஆட்டிய சம்பந்தனுக்கு அரசாங்கம் காட்டிய ...
UN Geneva

தமிழர்கள் ஜெனிவாவை நம்பி இருக்க கூடாது [November 21, 2017]

நீதிக்கான போராட்டத் தடத்தில் ஜெனீவா (ஐ.நா மனித உரிமைச்சபை) ஒரு ...
Rajathurai former MP

முன்னாள் நாடாளுமன்ற உறுப்பினர்களுக்கு ஓய்வூதியத்துடன் மேலதிகமாக 10ஆயிரம் ரூபா [November 21, 2017]

இலங்கையில் உள்ள முன்னாள் நாடாளுமன்ற உறுப்பினர்களுக்கான ஓய்வூதியத்துக்கு மேலதிகமாக, 10 ...
Gopu

மூத்த பத்திரிகையாளர் எஸ்.எம்.கோபாலரத்தினம் காலமானார். [November 15, 2017]

கோபு என்றும் எஸ்.எம்.ஜி என்றும் தமிழ் பத்திகை உலகில் நன்கு ...
thanda

மட்டக்களப்பில் காத்தான்குடி பெண்ணுடன் இருந்த ஏழு இளைஞர்கள் கைது [November 13, 2017]

மட்டக்களப்பு பொலிஸ் பிரிவு தாண்டவன்வெளி பகுதியில் உள்ள வீடு ஒன்றில் ...