Saturday, February 17th, 2018

ஐ.நா.கூட்டத்தொடரின் போது பக்க அறைகளில் 13 கூட்டங்களை நடத்த சிறிலங்கா ஏற்பாடு.

Published on February 26, 2017-10:01 am   ·   No Comments

un-genevaஐக்கிய நாடுகள் மனித உரிமை பேரவையின் 34ஆவது கூட்டத்தொடர் நாளை திங்கட்கிழமை காலை ஜெனிவா பலைஸ் வில்சன் மண்டபத்தில் ஆரம்பமாகிறது. இக்கூட்டம் மார்ச் 24ஆம் திகதிவரை நான்கு வாரங்களுக்கு நடைபெறும்.

ஆரம்ப அமர்வில் ஐ.நா.செயலாளர் நாயகம் அன்ரோனியோ குடேர்ஸ், ஐ.நா.மனித உரிமை ஆணையாளர் அல் ஹசன் ஆகியோரின் உரைகள் இடம்பெறும்.

இக் கூட்டத்தொடரில் முதல் இரு நாட்களும் நாடுகளின் தலைவர்கள், மற்றும் வெளிவிவகார அமைச்சர்கள் கலந்து கொள்ளும் உயர்மட்ட அமர்வு இடம்பெறும்.

இலங்கையின் வெளிவிவகார அமைச்சர் மங்கள சமரவீர செவ்வாய்க்கிழமை உரையாற்ற உள்ளார்.
34ஆவது கூட்டத்தொடரின் போது இலங்கை அரசாங்கம் பக்கஅறைகளில் 13 கூட்டங்களை நடத்த உள்ளது. ஐக்கிய நாடுகள் மனித உரிமை பேரவை கூட்டத்தொடர் நடைபெறும் காலத்தில் சிறிலங்கா அதிகளவு கூட்டங்களை ஏற்பாடு செய்தது இம்முறையே ஆகும்.

இலங்கையில் மேற்கொள்ளப்படும் அபிவிருத்தி, வடக்கு கிழக்கில் மீள்குடியேற்றம், காணிவிடுவிப்பு, முன்னாள் போராளிகளை சமூகத்துடன் இணைத்தல், சுதந்திரமான நீதிக்கட்டமைப்பு போன்ற விடயங்கள் தொடர்பாக உலக நாடுகளின் தலைவர்களுக்கும் இராஜதந்திரிகளுக்கும் விளக்கமளிப்பதற்காக இக் கூட்டங்கள் ஒழுங்கு செய்யப்பட்டுள்ளது.

இலங்கை அரசாங்கம் மட்டுமன்றி சில ஆபிரிக்க அரசசார்பற்ற அமைப்புக்களும் இலங்கைக்கான கூட்டங்களை நடத்த அறைகளை பதிவு செய்துள்ளன.

ஜெனிவாவில் உள்ள சிறிலங்கா தூதகரம் இலங்கையின் அபிவிருத்தி என்ற தலைப்பில் கூட்டம் ஒன்றை நடத்த ஐ.நா.மனித உரிமை பேரவையின் 21ஆம் இலக்க அறையை முன்பதிவு செய்துள்ளது. இக் கூட்டம் 3மணிக்கு ஆரம்பமாகும். இதில் கலந்து கொள்ளுமாறு நாடுகளின் தலைவர்கள் மற்றும் இராஜதந்திரிகளுக்கு சிறிலங்கா தூதரகம் அழைப்பு விடுத்திருக்கிறது.

இதேவேளை நிலைமாறு கால நீதிப்பொறிமுறை பற்றி இலங்கையில் மேற்கொள்ளப்பட்ட ஆய்வுகள் தொடர்பான கூட்டம் ஒன்றை ஐக்கிய நாடுகள் மனித உரிமை ஆணையாளர் அலுவலகம் ஏற்பாடு செய்திருக்கிறது. இக்கூட்டத்தில் ஐ.நா.அறிக்கையாளர்கள் நிலைமாறு கால நீதிப்பொறிமுறையின் முன்னேற்றங்கள் பற்றி உரையாற்றுவார்கள். இதற்கு பதிலளிக்குமாறு இலங்கை அரசாங்க பிரதிநிதிகளுக்கும் அழைப்பு விடுக்கப்பட்டிருக்கிறது.

சிறிலங்கா அரசாங்கம் வாக்குறுதி அளித்தவாறு சர்வதேச நீதிவிசாரணையை நடத்த தவறிவிட்டதாகவும் இராணுவ ஆக்கிரமிப்பு தொடர்ந்து இடம்பெற்றுவருவதாகவும் குற்றம் சாட்டிவரும் தமிழர் அமைப்புக்களும் இக் கூட்டத்தொடரின் போது பக்க அறைகளில் கூட்டங்களை நடத்த உள்ளளன.geneva27-011

Readers Comments (0)

Comments are closed.

செய்திகள்

saravanapavan

மட்டக்களப்பு மாநகரசபை முதல்வராக தியாகராசா சரவணபவன் தெரிவு [February 17, 2018]

மட்டக்களப்பு மாநகர முதல்வராக தியாகராசா சரவணபவன் நியமிப்பதென தமிழ் தேசியக் ...
20180212_091158

ல்லாட்சிக்கான தேசிய முன்னணியின் பிராந்திய அலுவலகத்தின் மீது குண்டுத் தாக்குதல். [February 12, 2018]

காத்தான்குடி கடற்கரை வீதி (CM காசிம் லேன்)  அமைந்துள்ள நல்லாட்சிக்கான ...
mahinda

தென்னிலங்கையில் மகிந்த ராசபக்சவின் கட்சி அமோக வெற்றி [February 10, 2018]

நடந்த உள்ளூராட்சித் தேர்தலில் மகிந்த ராஜபக்சவின், சிறிலங்கா பொதுஜன முன்னணி ...
election

சாவகச்சேரி பருத்தித்துறை நகரசபைகளை தமிழ் காங்கிரஷ் கைப்பற்றி உள்ளது. [February 10, 2018]

சாவகச்சேரி நகரசபைத் தேர்தலில் அகில இலங்கை தமிழ் காங்கிரஸ் அதிக ...
jaffna mc

யாழ். மாநகரசபையில் தமிழ்த் தேசியக் கூட்டமைப்பு வெற்றி [February 10, 2018]

யாழ். மாநகர சபையின் மொத்தமுள்ள 27 வட்டாரங்களில், 14 வட்டாரங்களை ...
valvetti

வல்வெட்டித்துறை நகரசபைத் தேர்தலில் தமிழ்த் தேசியக் கூட்டமைப்பு வெற்றி [February 10, 2018]

வல்வெட்டித்துறை நகரசபைத் தேர்தலில் தமிழ்த் தேசியக் கூட்டமைப்பு வெற்றி பெற்றுள்ளது. வல்வெட்டித்துறை ...
TNA

வவுனியா மாவட்டத்தில் அனைத்து சபைகளையும் தமிழ் தேசியக் கூட்டமைப்பு கைப்பற்றி; உள்ளது. [February 10, 2018]

வவுனியா மாவட்டத்தில் உள்ள நான்கு உள்ளுராட்சி சபைகளையும் தமிழ் தேசியக் ...
Batticaloa MC

மட்டக்களப்பு மாநகரசபை தமிழ் தேசிய கூட்டமைப்பு அமோக வெற்றி [February 10, 2018]

20 வட்டாரங்களைக்கொண்ட மட்டக்களப்பு மாநகரசபையில் - 17 வட்டாரங்களில் தமிழ் ...
manthai

முல்லைத்தீவு மாவட்டம் மாந்தை பிரதேசபையின் உத்தியோகபூர்வ முடிவு [February 10, 2018]

முல்லைத்தீவு மாந்தை பிரதேசசபையில் தமிழரசுக்கட்சி வெற்றி பெற்றுள்ளது. இதன் உத்தியோகபூர்வ ...
TNA

பிரதான அரசியல் கட்சிகளின் எதிர்கால அரசியலை நிர்ணயிக்க போகும் உள்ளுராட்சி சபை தேர்தல்கள் [February 8, 2018]

தென்னிலங்கையிலும் சரி வடக்கு கிழக்கிலும் சரி பிரதான கட்சிகள் தமது ...