Wednesday, January 17th, 2018

இரத்தம் தோய்ந்த கிழக்கு பல்கலைக்கழக உபவேந்தர் கதிரை- பதிப்பில் வராத என் மனப்பதிவுகள்- 9- இரா.துரைரத்தினம்!

Published on April 20, 2012-1:20 pm   ·   No Comments

எனது பத்திரிகைதுறை அனுபவங்களை எழுத வேண்டும் என எண்ணிய போது நெருக்கடியும் துயரமும் நிறைந்த 2004ஆம் ஆண்டு காலப்பகுதியை தவிர்த்து விட்டு எழுத வேண்டும் என எண்ணியிருந்த போதிலும் தவிர்க்க முடியாத நிலையில் இத்தொடரின் ஆரம்பத்திலேயே இலங்கையில் நான் இருந்த இறுதிக்காலம் பற்றி எழுத முற்பட்டேன்.

ஆனால் புறச்சூழலில் பல நெருக்கடிகள் வரும் என நான் எண்ணியிருக்கவில்லை. இதனால் கடந்த சில வாரங்களாக இத்தொடரை எழுத முடியாமல் போய் விட்டது. மன்னிக்கவும்.

இருந்த போதிலும் சில விடயங்களை தவிர்த்து எழுத வேண்டிய நிர்ப்பந்தத்துடன் இந்த பகுதியை தொடர்கிறேன்……

மட்டக்களப்பு மண் வந்தாரை வரவேற்கும் மண் என்பார்கள், விருந்தோம்பலுக்கு மட்டக்களப்பின் கிராமங்களைத்தான் உதாரணமாக சொல்வார்கள். கூடவே பாயுடன் ஒட்டவைத்து விடுவார்கள் என்றும் சிலர் கூறுவார்கள். இந்த பாயுடன் ஒட்டவைக்கும் கதையில் மந்திரமும் இல்லை, மாயமும் இல்லை, விருந்தோம்பல், உபசரிப்பு காரணமாக அங்கு போகிறவர்கள் அங்கேயே தங்கிவிடுவார்கள், அதனால்தான் பாயுடன் ஒட்டிவிடுவதாக ஒரு கதை வந்ததே தவிர பாயுடன் ஒட்டும் மந்திரக்கதைகள் எல்லாம் வெறும் கட்டுக்கதைகள்தான்.

இந்த விருந்தோம்பலை காண வேண்டுமாக இருந்தால் நீங்கள் மட்டக்களப்பின் நகரப்பகுதிக்கோ அல்லது எழுவான்கரைப்பகுதிக்கோ சென்றால் உங்களின் எதிர்பார்ப்பு எதிர்மறையாகத்தான் இருக்கும்.

முக்கியமாக மட்டக்களப்பின் நகரம் என்று சொல்லப்படுகின்ற புளியந்தீவுக்கு சென்றால் இந்த விருந்தோம்பல், உபசரிப்பு என்ற கதைகளை நீங்கள் எதிர்பார்க்க முடியாது. யாழ்ப்பாணத்தவர்கள் கஞ்சர்கள் என சொல்வார்கள். அதை விட மோசமான கஞ்சர்கள், கசமிஞ்சிகளை புளியந்தீவில் காண முடியும். தங்களை மட்டக்களப்பின் பூர்வீக குடிகள் என சொல்லிக்கொள்ளும் புளியந்தீவில் உள்ளவர்கள் ஒரு காலத்தில் யாழ்ப்பாணத்திலிருந்து சென்று குடியேறியவர்கள் என்றும் சொல்லப்படுகிறது. அதனால் தானோ என்னவோ மட்டக்களப்பின் வாசனையை மட்டக்களப்பு நகர் என சொல்லப்படும் புளியந்தீவில் காணமுடியாது. அது பற்றி பின்னர் பார்ப்போம்.

உண்மையான விருந்தோம்பல், உபசரிப்பை பார்க்க வேண்டுமாக இருந்தால் படுவான்கரை, பொத்துவில், தம்பிலுவில், மற்றும் முஸ்லீம் கிராமங்களான நிந்தவூர், ஒலுவில், அக்கரைப்பற்று கிராமங்களுக்குத்தான் செல்ல வேண்டும். முஸ்லீம் கிராமங்களின் உபசரிப்பு ஒரு தனிவகை.

1990ஆம் ஆண்டு காலப்பகுதியில் தமிழர்கள் முஸ்லீம் கிராமங்களுக்கு செல்ல முடியாத போது, முஸ்லீம்கள் தமிழ் கிராமத்திற்கு செல்ல முடியாத போது நான் நிந்தவூர் கிராமத்தில் சலீம் போன்ற என்ற நெருங்கிய நண்பர்களுடன் உல்லாசமாக சுற்றித்திரிந்த காலங்கள் மறக்க முடியாதவை.

நிந்தவூர் கடற்கரையில் பால்நிலவில் நடுநிசிக்கு பின்னரும் கூட நண்பர்களுடன் பேசிக்கொண்டிருப்போம்.

மட்டக்களப்பின் படுவான்கரையின் விருந்தோம்பலுக்கு ஒரு சம்பவத்தை உதாரணமாக சொல்லலாம்.

எனது நண்பர்களில் ஒருவரான ரொபின் ஏராளசிங்கத்திற்கு படுவான்கரை முனைக்காடு கிராமத்தில் பாடசாலை அதிபர் ஒருவரின் மகளை பெற்றோர் நிட்சயம் செய்திருந்தார்கள்.

பெண்ணின் வீட்டிற்கு என்னையும் என்னுடைய இன்னொரு நண்பர் ஜீவரத்தினகுமாரையும் ( இலங்கை ஒலிபரப்பு கூட்டுத்தாபத்தில் யாழ். சேவைப்பணிப்பாளராக இருந்தவர்) அழைத்து சென்றார்.

எங்களுக்காக மதிய உணவு தயாராக இருந்தது. புதுமாப்பிள்ளையும், அவர்களது நண்பர்களுமல்லவா, விருந்திற்கான ஏற்பாடு பிரமாதமாக இருந்தது.

மரக்கறி, மீன், இறைச்சி, கறிகள், பொரியல், சுண்டல், சொதி என அத்தனை வகைகளும் மேசையில் வைத்திருந்தார்கள்.

எங்கள் மூவருடன் பெண்ணின் தந்தை ( பாடசாலை அதிபர்) அவரின் மகன் ( தற்போது கல்விப்பணிப்பாளராக இருக்கிறார்) ஆகியோரும் சாப்பிடுவதற்கு அமர்ந்தனர். மணப்பெண்ணும், பெண்ணின் தாயும் எங்களுக்கு பரிமாறினார்கள்.

கோப்பையில் சோறு போடப்பட்டு பொரியல், சுண்டல் மட்டும் போடப்பட்டிருந்தது.  என்ன பார்த்துக்கொண்டிருக்கிறீர்கள், சாப்பிடுங்கள் என்றார்கள். என்ன கொடுமையடா இது. இவ்வளவு கறிவகைகளையும் சமைத்து மேசையில் வைத்து விட்டு சோற்றை வெறும் பொரியலுடன் சாப்பிட சொல்கிறார்களே என மனதிற்குள் யோசித்து கொண்டோம்.

ஜீவரத்தினகுமார் மட்டக்களப்பில் பிறந்திருந்தாலும் அவரின் பெற்றோர் யாழ்ப்பாணத்தை சேர்ந்தவர்கள். மாம்பிள்ளை ரொபின் ஏராளசிங்கமும் மட்டக்களப்பு நகரில் பிறந்து வளர்ந்தவர். படுவான்கரை பழக்க வழக்கம் தெரியாது. மூவரும் ஒருவரை ஒருவர் பார்த்து திருதிரு என முழித்து கொண்டிருந்தோம்.

எங்கள் நிலமை பெண்ணின் தந்தைக்கு புரிந்து விட்டது. என்ன யோசிக்கிறீங்கள், தனிய பொரியலுடன் சாப்பிடுவதா என யோசிக்கிறியளா என கேட்டார். முதலில் ஒரு கோப்பை சோறு பொரியலுடன் சாப்பிட வேணும், பிறகு கறியளுடன் சாப்பிட வேணும், பிறகு தயிர் தேன் சீனி பழம் போட்டு ஒரு கோப்பை சோறு சாப்பிட வேணும் என்றார். இதுதான் படுவான்கரை சாப்பாட்டு வழக்கம் என்றார்.

அன்று சாப்பாட்டில் அவர்கள் எங்களை திக்குமுக்காட வைத்துவிட்டார்கள். அற்புதமான சமையலுக்கு அப்பால் அவர்களின் அன்பான உபசரிப்பு எங்களை திளைக்க வைத்து விட்டார்கள்.

திரும்பி வரும் போது எனது நண்பன் ஜீவரத்தினகுமார் சொன்னான். மச்சான் நானும் படுவான்கரை பகுதியில தான் கல்யாணம் முடிக்க வேணும் என சொன்னான். அப்படி சொன்ன ஜீவரத்தினகுமார் யாழ்ப்பாணத்தில்தான் திருமணம் முடிந்தார். அப்படி ஒரு எதிர்பார்ப்பு இல்லாமல் இருந்த நான் மட்டக்களப்பிலேயே திருமணம் முடித்தேன்.

இலங்கையின் பல பாகங்களுக்கும் சென்றிருக்கிறேன், சிங்கப்பூர், மலேசியா, ஐரோப்பிய நாடுகள் என பலநாடுகளுக்கும் சென்றிருக்கிறேன். ஆனால் படுவான்கரை பகுதி மக்களின் உபசரிப்பையும் விருந்தோம்பலையும் எங்கும் காணமுடியாது.

இத்தகைய பெருமை கொண்ட அந்த மண்ணில்தான் இந்த கொடூரங்கள் நடைபெற்றன.

வடக்கில் பிறந்து விட்டார்கள் என்ற ஒரு காரணத்திற்காக புத்திஜீவிகள், ஊடகவியலாளர்கள், சமூக தொண்டர்கள் விரட்டப்பட்டார்கள், சுட்டுக்கொல்லப்பட்டார்கள். அந்த அப்பாவிகளின் இரத்தம் வீதிகளில் ஓடிய அவலம் அங்குதான் நடைபெற்றது.

வடக்கில் பிறந்தார்கள் என்ற காரணத்திற்காக கிழக்கு மண்ணில் அந்த புத்திஜீவிகள் சிந்திய இரத்தம்,

இரத்தம் தோய்ந்த கிழக்கு பல்கலைக்கழக உபவேந்தரின் கதிரை,

இவை பற்றி அடுத்த வாரம் பார்ப்போம்

(தொடரும்)

thurair@gmail.com

Readers Comments (0)

Comments are closed.

செய்திகள்

kennady

நண்பன் கெனடியின் மரணம்- அதிர்ச்சியிலிருந்து மீளமுடியவில்லை. – இரா.துரைரத்தினம். [January 11, 2018]

எனது மிகநெருங்கிய நண்பனும் கிழக்கு பல்கலைக்கழக முன்னாள் விரிவுரையாளரும், எத்தோப்பிய ...
vavuniya

மகாறம்பைக்குளத்தில் பெண் ஒருவர் கொலை- பெண்ணின் காதலனும் சடலமாக மீட்பு [January 9, 2018]

வவுனியா மகாறம்பைக்குளம் பொலிஸ் காவலரனுக்கு பின்புறம் அமைந்துள்ள வீடொன்றிலிருந்து இன்று ...
srinesan 3

ஊடகவியலாளர்கள் கல்விமான்களை வேட்டையாடியவர்கள் வாக்கு கேட்கின்றனர். [January 8, 2018]

புத்திஜீவிகள் ஊடகவியலாளர்கள் கல்விமான்களை படுகொலை செய்தவர்கள் இன்று வாக்கு கேட்கின்றனர். ...
ananda

ஆனந்தசங்கரி- சுரேஷ் கூட்டணியின் தேர்தல் விஞ்ஞாபனம்- வேசம் கலைந்தது. [January 5, 2018]

ஆனந்தசங்கரி மற்றும் ஈ.பி தலைவர் சுரேஷ் பிரேமச்சந்திரன் ஆகியோரின் கூட்டணியான ...
raveendran

பொதுமக்களை பொலிஸார் அச்சுறுத்தினால் உடன் அறிவியுங்கள்- பொலிஸ் ஆணைக்குழு அறிவிப்பு [January 5, 2018]

பொதுமக்களை தாக்குதல், அடித்தல் துன்புறுத்தல் மற்றும் அதிகாரத்தை முறைகேடாகப் பயன்படுத்துதல் ...
uthayakuma

யாழ் மற்றும் மட்டக்களப்பு மாநகரசபைகளுக்கான சூரியன், சைக்கிள் கட்சிகளுக்கு நடந்த அவலம். [December 21, 2017]

யாழ்ப்பாண மாநகரசபைக்கென தமிழர் விடுதலைக் கூட்டணி சமர்ப்பித்த வேட்புமனு உரிய ...
sritharan

கிளிநொச்சி மாவட்டத்தில் பங்களாகிக்கட்சிகளை ஒதுக்கவில்லை – சிறிதரன் விளக்கம். [December 21, 2017]

கிளிநொச்சி மாவட்டத்தில் 3 பிரதேச சபைகளுக்குமான தேர்தல் வேட்பாளர் பட்டியலில் ...
ananthy 1

அனந்தி வந்தபோது எழுந்து நிற்காமல் மேலும் கீழும் பார்த்த வயதான காவலாளியின் வேலை பறிபோனது! [December 17, 2017]

வடமாகாண அமைச்சர் அனந்தி சசிதரனிற்கு எழுந்து மரியாதை செய்யாத வயதான காவலாளி ...
DSC02631

முனைப்பினால் 34 பேருக்கு வாழ்வாதார உதவிகள் [December 11, 2017]

முனைப்பு சிறிலங்கா நிறுவனத்தின் வறுமைக் கோட்டின் கீழ் வாழும் மக்களின் வாழக்கைதரத்தினை மேம்படுத்தும் வேலைத்திட்டத்தின் கீழ்  இவ்வாண்டு (2017) 34 பேருக்குவாழ்வாதாரத்துக்கான உதவிகள் வழங்கி வைக்கப்பட்டுள்ளதுடன் அத்திட்டங்கள் ஊடாகபயனாளிகள் நாளாந்த வருமானத்தைப்பெற்று வருவதாக முனைப்பின்சிறிலங்காநிறுவனத்தின் செயலாளர் இ.குகநாதன் தெரிவித்தார்.   மட்டக்களப்பிலுள்ள தெரிவு செய்யப்பட்ட  சில குடும்பங்களுக்கு  வாழ்வாதரஉபகரணங்கள்  வழங்கும் நிகழ்வு  (9.12.2017) சனிக்கிழமை மாலை மட்டக்களப்பு கச்சேரியில்வைத்து வழங்கி வைக்கப்பட்டது. முனைப்பின் சிறிலங்காநிறுவனத்தலைவர் மா.சசிகுமார் தலைமையில் நடைபெற்ற நிகழ்வில்  பிரதம அதிதியாக மாவட்ட அரசாங்க அதிபர் மாணிக்கம் உதயகுமார் கலந்து கொண்டுபயனாளிகளுக்கு உபகரணங்களை வழங்கி வைத்தார். சுவிட்சர்லாந்து முனைப்பு நிறுவனத்தின் நிதி அனுசரணையுடன் இந்த வாழ்வாதார உபகரணங்கள் வழங்கப்பட்டன. இந்த வைபவத்தில்;  மட்டக்களப்பு மாவட்ட செயலக கணக்காளர் நேசராசா மற்றும்மட்டக்களப்பு மாவட்ட உள்ளுராட்சி உதவி ஆணையாளர் கே.சித்திரவேல் மற்றும்சுவிட்சர்லாந்து முனைப்பு நிறுவனத்தின்  நிறைவேற்றுப்பணிப்பாளர்மாணிக்கப்போடி.குமாரசுவாமி உட்பட முனைப்பு சிறிலங்கா நிறுவனத்தின்  பொருளாளர்அரசரெத்தினம்  தயானந்தரவி , உப செயலாளர் எல் தேவஅதிரன்  உட்பட பலமுக்கியஸ்தர்கள் கலந்து கொண்டனர்.
UNO GENEVA

69வது வருடத்தை கொண்டாடும் சர்வதேச மனித உரிமை பிரகடனம் . [December 10, 2017]

மனித உரிமைகளின் வரவிலக்கணம், அடிப்படைகளை கிறேக்கர், உரோம காலத்தில் உருவானதாக ...