Friday, November 17th, 2017

சிங்கப்பூர் லிட்டில் இந்தியா பகுதியில் தமிழக தமிழர்கள் கலவரம்- 18பேர் காயம் ( Video & Photos)

Published on December 9, 2013-9:59 am   ·   No Comments

சிங்கப்பூர் லிட்டில் இந்தியா பகுதியில் இடம்பெற்ற வன்செயல்களில் காவல்துறை உத்தியோகத்தர்கள் 10பேர் உட்பட 18பேர் காயமடைந்துள்ளனர். காவல்துறையினரின் வாகனம் உட்பட 5வாகனங்கள் சேதமடைந்துள்ளன. இந்த மோதலையடுத்து 27ற்கும் மேற்பட்ட தமிழக தமிழர்கள் அந்நாட்டு காவல்துறையினரால் கைது செய்யப்பட்டுள்ளனர்.

இந்த வன்முறைகளில் சுமார் 400பேர் ஈடுபட்டதாகவும் இவர்களை கைது செய்யும் நடவடிக்கைகளில் தாம் ஈடுபட்டிருப்பதாகவும் சிங்கப்பூர் காவல்துறையினர் தெரிவித்துள்ளனர்.  சிங்கப்பூரில் வேலைக்காக சென்றிருக்கும் தமிழக தமிழர்கள் மற்றும் கேரள மாநிலத்தை சேர்ந்தவர்கள் சிங்கப்பூரில் தமிழர்களின் வர்த்தக நிலையங்கள் அதிகம் உள்ள லிட்டில் இந்தியா தேக்கா பகுதியில் ஞாயிற்றுக்கிழமைகளில் கூடுவது வழக்கமாகும்.

ஆயிரக்கணக்காக கூடும் இவர்கள் ஞாயிற்றுக்கிழமை இரவு தேக்கா பகுதி வீதி ஓரங்களில் இருந்து மது அருந்தி விட்டு குப்பைகளையும் வெற்றுப்போத்தல்களையும் வீசிவிட்டு செல்வது வழக்கமாகும். அழகான சிங்கப்பூர் நகரை இவர்கள் ஒவ்வொரு ஞாயிற்றுக்கிழமை இரவும் அசுத்தப்படுத்தி விட்டு செல்வது வழக்கமாகும்.  நேற்றும் வழக்கம் போல ஞாயிற்றுக்கிழமையும் தேக்காவில் அதிகமானோர் கூடினார்கள்.

அந்த நேரத்தில் தமிழகத்தைச் சேர்ந்த ஒரு தனியார் பேருந்தில் ஏறியபோது அதில் இருந்த பெண் சாரதி அந்த பயணியை தள்ளிவிட்டதாகவும் அதனால் கீழே விழுந்த அந்த தமிழ் பயணி அதே இடத்தில் இறந்துவிட்டதாகவும் கூறப்படுகிறது.
இதனையடுத்து அங்கு நின்ற தமிழர்கள் அந்த பேருந்தை உடைத்ததுடன் அங்கு வந்த சிங்கப்பூர் காவல்துறையினர் மீதும் கற்களை வீசி தாக்குதல் நடத்தினர்.

அங்கு நின்ற இரண்டு காவல்துறை வாகனம் தீ வைத்து எரிக்கப்பட்டது. மேலும் அங்கு வந்த நோயாளர்காவு வண்டி ஒன்றும் உடைக்கப்பட்டது.  இதனையடுத்து காவல்துறையினர் வன்முறையில் ஈடுபட்டவர்கள் மீது தடியடி நடத்தி கலைத்தனர்.
அதனைத் தொடர்ந்து இதுவரை  27க்கும் மேற்பட்ட தமிழர்கள் கைது செய்யப்பட்டுள்ளனர்.

சிங்கப்பூரில் இதுபோன்ற சம்பவம் இதுவரை நடந்ததில்லை என கூறப்படுகிறது. கலவரத்தில் ஈடுபட்டவர்கள் அங்கிருந்து தப்பி சொந்த நாடுகளுக்கு சென்றுவிடாது தடுப்பதற்காக விமான நிலையத்தில் பாதுகாப்பு பலப்படுத்தப்பட்டுள்ளது.

Readers Comments (0)

Comments are closed.

செய்திகள்

Gopu

மூத்த பத்திரிகையாளர் எஸ்.எம்.கோபாலரத்தினம் காலமானார். [November 15, 2017]

கோபு என்றும் எஸ்.எம்.ஜி என்றும் தமிழ் பத்திகை உலகில் நன்கு ...
thanda

மட்டக்களப்பில் காத்தான்குடி பெண்ணுடன் இருந்த ஏழு இளைஞர்கள் கைது [November 13, 2017]

மட்டக்களப்பு பொலிஸ் பிரிவு தாண்டவன்வெளி பகுதியில் உள்ள வீடு ஒன்றில் ...
death

நீதிபதிக்கு கடிதம் எழுதிவிட்டு யாழில் ஒரே குடுபத்தை சேர்ந்த நால்வர் தற்கொலை [October 27, 2017]

கடன் பிரச்சினை  காரணமாக இன்று(27)   அரியாலைப் பகுதியைச் சேர்ந்த இளம் ...
nimalaraj-m1

புனிதர்களாகவும் நீதிமான்களாகவும் மாறிவிட்ட தமிழ் இயக்கங்கள். [October 26, 2017]

யாழ்ப்பாணத்தில் படுகொலை செய்யப்பட்ட ஊடகவியலாளர் மயில்வாகனம் நிமலராசனின் 17ஆவது ஆண்டு ...
swiss 02

சுவிஸ் பொலிசாரால் சுட்டுக்கொல்லப்பட்ட இலங்கையரின் இறுதி கிரிகைகள் பெலிஞ்சோனாவில் நடைபெற்றது. [October 21, 2017]

சுவிட்சர்லாந்து திச்சினோ மாநிலத்தில் பொலிஸாரினால் சுட்டுக்கொல்லப்பட்ட சுப்பிரமணியம் கரன் ( ...
vadama 3

போராலும் சுனாமியாலும் பாதிக்கப்பட்ட வடமராட்சிகிழக்கு கல்வியில் முன்னேற்றமடைந்து வருகிறது- வலயக்கல்விப்பணிப்பாளர் பாராட்டு. [October 19, 2017]

வடமராட்சி கிழக்கில் 5ஆம் ஆண்டு புலமைப்பரிசில் பரீட்சையில் சித்தியடைந்த மாணவர்களையும் ...
batti

மட்டக்களப்பில் புதிய உள்ளூராட்சி சபைகளை ஏற்படுத்த தமிழ்தேசிய கூட்டமைப்பு ஆராய்வு! [October 17, 2017]

மட்டக்களப்பு மாவட்டத்தில் புதிய நகரசபை உள்ளூராட்சி சபைகளை ஏற்படுத்த தமிழ்தேசிய ...
sampanthan

தேசிய தீபாவளி நிகழ்ச்சியில் பேசாமல் போன ஜனாதிபதி. [October 16, 2017]

பிரதமர் அலுவலகமும் புனர்வாழ்வு, மீள்குடியேற்றம் மற்றும் இந்து மத அலுவல்கள் ...
kattankudy

குழு மோதலில் ஏழு பேர் காயம். [October 16, 2017]

மட்டக்களப்பு காத்தான்குடி பொலிஸ் பிரிவிலுள்ள புதிய காத்தான்குடியில், இரு குழுக்களிடையில் ...
agri

புத்தூரில் விவசாயிகளுக்கு உணவு பயிர்கன்றுகள், பழமரக்கன்றுகள் ஜனாதிபதியால் வழங்கிவைப்பு. [October 14, 2017]

விளைச்சல் பெருகிட ஒருமித்து எழுவோம்' தேசிய உணவு உற்பத்திப் புரட்சி ...