Wednesday, January 17th, 2018

“சம்பந்தனின் ஏதேச்சதிகாரத்தை கண்டித்து மாவையின் கொதிப்பு

Published on January 31, 2014-10:26 am   ·   No Comments
mahinda and sampanthanஜெனிவா தீர்மானத்தை வலுவாக மாற்ற வேண்டும். அதற்காக மக்களை ஒன்று திரட்டவும் தயாராக வேண்டும்.” என்று தாம் தீர்மானம் நிறைவேற்றியதாக, திருகோணமலை நகரசபை மண்டபத்தில் கடந்த 26.01.2014 அன்று கூடிய, இலங்கை தமிழ் அரசுக்கட்சியின் மத்தியகுழு தெரிவித்திருந்தது.
உண்மையில் நடந்தது என்ன?
பாராளுமன்ற கூட்டங்களின் போதும், கூட்டமைப்புக்குள் அங்கத்துவம் வகிக்கும் கட்சிகளின் தலைவர்கள் சந்திப்பின் போதும், சம்பந்தனுக்கும், மாவைக்கும் இடையே அடிக்கடி கருத்து முரண்பாடுகள், மோதல்கள் வருவதுண்டு. அப்போதெல்லாம் மாவை, “நான் உங்களோட நிறைய பேச வேணும். இதில பேச விரும்பேல்ல.” என்று சொல்லிக்கொண்டே வந்தார். மாவையின் இந்த பேச்சின் அர்த்தம், அதன் உள்நோக்கம் கூட்டத்தில் கலந்துகொண்டிருக்கும் ஏனையவர்களுக்கு புரிந்திருக்க வாய்ப்பில்லை. ஆனால் மாவை மட்டும் ஒரே ஒரு வாய்ப்புக்காக ஏறத்தாழ ஆறு மாதங்களாக காத்திருந்தார். அப்படி என்ன வாய்ப்பு?
அது தான் கடந்த 26.01.2014 அன்று கூடிய இலங்கை தமிழ் அரசுக்கட்சியின் மத்தியகுழுவின் சந்திப்பு!
சந்திப்பு தொடங்கியதும்…
நீறு பூத்து நீத்துப்போக விடாமல், ஏறத்தாழ ஆறு மாதங்களாக, பார்த்துப்பார்த்து தகதகவென தகிக்க வைத்துக்கொண்டிருந்த மாவையின் கோபத்தீ, முகடுடைத்து குமுறி கொப்பளித்தது. அந்த நீதித்தீயின் கொப்பளிப்பிலிருந்து… சூடு ஆறாத சில பல சிதறல்கள்! இதோ.
“முதலமைச்சர் வேட்பாளராக நிற்க எனக்கு தகுதி இல்லை என்று சொல்லி யார் முடிவெடுத்தது. இது ஒரு சிலர் மட்டும் எடுத்த முடிவு. மற்ற கட்சிகள் எல்லாமே எனக்கு முழு ஆதரவு தெரிவிச்சது. அவர்கள் எனக்கு ஒருபோதும் இடைஞ்சலா, எதிரா நிற்கேல்ல.
18 வயசில இருந்து இளைஞர் அணி, அப்படி இப்படி என்று சொல்லி 43 வருசமா கட்சிக்காக பாடுபட்டிருக்கிறன். சிறைக்கு போய் வந்திருக்கிறன். எனக்கு தகுதி இல்லை. என்னில நம்பிக்கை இல்லை என்று சொன்னால் பிறகு ஏன் நான் கட்சியில இருப்பான்? இன்றைக்கு கூட்டியிருக்கிற இந்த கூட்டத்த அன்றைக்கு கூட்டி முடிவெடுத்திருக்க வேண்டும்.
(கூட்டமைப்பின் முதலமைச்சர் வேட்பாளர் மாவையா? விக்கினேஸ்வரனா? என்று பெரும் இழுபறி நிலையில் இருந்த போது, இலங்கை தமிழரசுக்கட்சியினர் மத்தியகுழு கூட்டத்தை கூட்டச்சொல்லி சம்பந்தனை பகிரங்கமாக வலியுறுத்தியும் அவர் கூட்டத்தை கூட்டாததும், சீ.வி.கே.சிவஞானம் தலைமையில் இலங்கை தமிழரசுக்கட்சியினர் மத்தியகுழு கூட்டத்தை அவசரமாக கூட்டி மாவை தான் முதலமைச்சர் வேட்பாளர் என்று தீர்மானம் நிறைவேற்றியதும், மத்தியகுழுவின் இந்த முடிவுக்கு மாறாக செயல்பட்டால் கடும் எதிர்ப்புகளை சந்திக்க வேண்டி வரும் என்று எச்சரிக்கை செய்திருந்ததும், சம்பந்தன், சுமந்திரனுக்கு எதிராக ஆர்ப்பாட்டங்களை நடத்த தயாராகியிருந்ததும் நீங்கள் அறிந்ததே.)
ஒரு சிலர் மட்டும் தனிச்சு முடிவெடுக்கிறதெண்டால், (சம்பந்தன், சுமந்திரன் இருவரை மட்டும் தவிர, இலங்கை தமிழரசுக்கட்சியை சேர்ந்த மற்றைய எல்லோரும் மாவைக்கு தமது ஏகோபித்த ஆதரவை தெரிவித்திருந்தமையை கவனத்தில் கொள்ளவும்.) பிறகு என்னத்துக்கு இந்த கட்சி, மத்தியகுழு எல்லாம். கலைத்து விட்டுப்போங்கோ. “நான் என்ட பதவியை றிசைன் பண்றன்” என்று குமுறி வெடித்து, மாவை தனது இருக்கையை விட்டு எழும்பி வெளியே செல்ல ஆயத்தமாக, உடனே மற்ற உறுப்பினர்கள் அவரது கையை இழுத்துப்பிடித்து வெளியேற விடாமல் தடுத்து நிறுத்தி, தோளில் தட்டிக்கொடுத்து ஆசுவாசப்படுத்தி அமர வைத்தனர்.
பின்னர், மாவையின் கருத்துக்கு ஆதரவு தெரிவித்து எல்லோரும் தமது ஆதங்கங்களை, விமர்சனங்களை கொட்டித்தீர்த்து கொண்டிருந்தனர். (சம்பந்தன் புருவங்களை மேலே உயர்த்தி கண்ணை அகல திறந்து கொண்டு, வாயை “ஆ” என்று திறந்து பிடித்தவாறு கூர்ந்து கேட்டுக்கொண்டிருந்தார். சுமந்திரனோ, மூச்சு விடும் சத்தம் கூட கேட்டு விடாதபடி கப்சிப் என்று இருந்தார். அவருக்கு நன்றாகவே தெரிந்திருந்தது, தான் வாய் திறந்தால் தனக்கு சவுக்கடி பலமாய் விழும் என்பது.)
இப்படியே ஆளாளுக்கு பேசிக்கொண்டிருந்த பேச்சுகளும், ஏச்சுக்களும் அப்படியே கிழக்கு மாகாணம் நோக்கி நகர்ந்து விட்டது.
கிழக்கு மாகாணத்தில தண்டாயுதபாணிய யார் முதன்மை வேட்பாளராய் நிறுத்தினது? யார் இந்த தண்டாயுதபாணி? அவர் எப்படி இதுக்குள்ள வந்தவர்? 40 வருசமா கட்சிக்காக உழைத்த கந்தவனம் கோணேஸ்வரன் இருக்கும் போது எப்படி இந்த தெரிவு நடந்தது? 30, 40 வருசமா கட்சிக்காக உழைத்தவர்கள் உள்ளுக்குள்ள இருக்கும் போது, வெளியால இருந்து ஆட்கள கொண்டு வந்து போட்டு கட்சிக்குள்ள இருக்கிற ஆட்கள ஓரம் கட்டுறீயள். இதையே தான் வடக்கிலயும் செய்தனீயள். விக்னேஸ்வரனுக்கு வடக்கு மண்ணை பற்றி என்ன தெரியும்? அரசியலை பற்றி என்ன தெரியும்? கட்சிக்காக என்ன செய்தவர்? கடந்த காலத்தில வடக்கில ஜனநாயக போராட்டங்கள் நடக்கேக்க எல்லாம் இவையள் எங்க போயிருந்தவியள்? என்று கேள்வி கணைகள் சீறிப்பாய்ந்து கொண்டிருந்தன.
(சம்பந்தன், சுமந்திரன் இருவர் மட்டும் தன்னிச்சையாக முடிவெடுத்து, கிழக்கு மாகாணசபை தேர்தலில் தண்டாயுதபாணியை முதன்மை வேட்பாளராக நிறுத்தியதை அறிந்த நீங்கள், தேர்தல் பரப்புரைகள் சூடு பிடித்த கடைசி நேரங்களில் சம்பந்தன், மூதூர், கிளிவெட்டி பகுதிகளில் இரவு நேரத்தில் வீடு வீடாகச்சென்று கந்தவனம் கோணேஸ்வரனுக்கு வாக்களிக்க வேண்டாம் என்று பிரசாரம் செய்ததையும், சதி செய்து தன்னை தோற்கடித்த சம்பந்தனை, “தேர்தல் வந்து விட்டால் மட்டும், ஊர்களுக்குள் இறங்கி 16, 18 வயது இளைஞனை போல துறுதுறுவென தேர்தல் பிரசார பணிகளில் ஈடுபடும் சம்பந்தன், மற்றைய நாள்களில் தனது முதுமையையும், உடல் நலக்குறைவையும் காரணம் காட்டி கொழும்பில் நன்றாக படுத்து தூங்குவார்.” என்று கந்தவனம் கோணேஸ்வரன் விமர்சித்து (எது உண்மையோ அதை போட்டுடைத்து) கொழும்பிலிருந்து ஞாயிறு வெளிவரும் பிரபல தமிழ் பத்திரிகையில்; பத்தி எழுதியிருந்ததையும் அறிந்ததுண்டா?)
எவ்வளவு தான் வெட்டு குத்துகள் நடந்தாலும், சம்பிரதாயத்துக்காக எல்லோருக்கும் அழைப்பு விடுத்து விட்டு, இலங்கை தமிழரசுக்கட்சியின் மாநாட்டில் இலங்கை தமிழரசுக்கட்சியின் தலைவராக இரா.சம்பந்தன்,  ஏகமனதாக தேர்ந்தெடுக்கப்பட்டு விட்டார் என்ற அறிவிப்பு வழமை போலவே இம்முறையும் வெளியாகும். (பிழையானவர்களை வெளியேற்ற திராணியில்லாத, தப்பானவர்களை மறுபடியும் மறுபடியும் தெரிவு செய்து பதவி கொடுத்து அழகு பார்க்கும் வருத்தப்படாத மத்தியகுழு வாழ்க! வாழ்க!)
வடபிராந்திய புலனாய்வு ஊடகவியலாளர்,
-கழுகுகண்-

Readers Comments (0)

Comments are closed.

செய்திகள்

kennady

நண்பன் கெனடியின் மரணம்- அதிர்ச்சியிலிருந்து மீளமுடியவில்லை. – இரா.துரைரத்தினம். [January 11, 2018]

எனது மிகநெருங்கிய நண்பனும் கிழக்கு பல்கலைக்கழக முன்னாள் விரிவுரையாளரும், எத்தோப்பிய ...
vavuniya

மகாறம்பைக்குளத்தில் பெண் ஒருவர் கொலை- பெண்ணின் காதலனும் சடலமாக மீட்பு [January 9, 2018]

வவுனியா மகாறம்பைக்குளம் பொலிஸ் காவலரனுக்கு பின்புறம் அமைந்துள்ள வீடொன்றிலிருந்து இன்று ...
srinesan 3

ஊடகவியலாளர்கள் கல்விமான்களை வேட்டையாடியவர்கள் வாக்கு கேட்கின்றனர். [January 8, 2018]

புத்திஜீவிகள் ஊடகவியலாளர்கள் கல்விமான்களை படுகொலை செய்தவர்கள் இன்று வாக்கு கேட்கின்றனர். ...
ananda

ஆனந்தசங்கரி- சுரேஷ் கூட்டணியின் தேர்தல் விஞ்ஞாபனம்- வேசம் கலைந்தது. [January 5, 2018]

ஆனந்தசங்கரி மற்றும் ஈ.பி தலைவர் சுரேஷ் பிரேமச்சந்திரன் ஆகியோரின் கூட்டணியான ...
raveendran

பொதுமக்களை பொலிஸார் அச்சுறுத்தினால் உடன் அறிவியுங்கள்- பொலிஸ் ஆணைக்குழு அறிவிப்பு [January 5, 2018]

பொதுமக்களை தாக்குதல், அடித்தல் துன்புறுத்தல் மற்றும் அதிகாரத்தை முறைகேடாகப் பயன்படுத்துதல் ...
uthayakuma

யாழ் மற்றும் மட்டக்களப்பு மாநகரசபைகளுக்கான சூரியன், சைக்கிள் கட்சிகளுக்கு நடந்த அவலம். [December 21, 2017]

யாழ்ப்பாண மாநகரசபைக்கென தமிழர் விடுதலைக் கூட்டணி சமர்ப்பித்த வேட்புமனு உரிய ...
sritharan

கிளிநொச்சி மாவட்டத்தில் பங்களாகிக்கட்சிகளை ஒதுக்கவில்லை – சிறிதரன் விளக்கம். [December 21, 2017]

கிளிநொச்சி மாவட்டத்தில் 3 பிரதேச சபைகளுக்குமான தேர்தல் வேட்பாளர் பட்டியலில் ...
ananthy 1

அனந்தி வந்தபோது எழுந்து நிற்காமல் மேலும் கீழும் பார்த்த வயதான காவலாளியின் வேலை பறிபோனது! [December 17, 2017]

வடமாகாண அமைச்சர் அனந்தி சசிதரனிற்கு எழுந்து மரியாதை செய்யாத வயதான காவலாளி ...
DSC02631

முனைப்பினால் 34 பேருக்கு வாழ்வாதார உதவிகள் [December 11, 2017]

முனைப்பு சிறிலங்கா நிறுவனத்தின் வறுமைக் கோட்டின் கீழ் வாழும் மக்களின் வாழக்கைதரத்தினை மேம்படுத்தும் வேலைத்திட்டத்தின் கீழ்  இவ்வாண்டு (2017) 34 பேருக்குவாழ்வாதாரத்துக்கான உதவிகள் வழங்கி வைக்கப்பட்டுள்ளதுடன் அத்திட்டங்கள் ஊடாகபயனாளிகள் நாளாந்த வருமானத்தைப்பெற்று வருவதாக முனைப்பின்சிறிலங்காநிறுவனத்தின் செயலாளர் இ.குகநாதன் தெரிவித்தார்.   மட்டக்களப்பிலுள்ள தெரிவு செய்யப்பட்ட  சில குடும்பங்களுக்கு  வாழ்வாதரஉபகரணங்கள்  வழங்கும் நிகழ்வு  (9.12.2017) சனிக்கிழமை மாலை மட்டக்களப்பு கச்சேரியில்வைத்து வழங்கி வைக்கப்பட்டது. முனைப்பின் சிறிலங்காநிறுவனத்தலைவர் மா.சசிகுமார் தலைமையில் நடைபெற்ற நிகழ்வில்  பிரதம அதிதியாக மாவட்ட அரசாங்க அதிபர் மாணிக்கம் உதயகுமார் கலந்து கொண்டுபயனாளிகளுக்கு உபகரணங்களை வழங்கி வைத்தார். சுவிட்சர்லாந்து முனைப்பு நிறுவனத்தின் நிதி அனுசரணையுடன் இந்த வாழ்வாதார உபகரணங்கள் வழங்கப்பட்டன. இந்த வைபவத்தில்;  மட்டக்களப்பு மாவட்ட செயலக கணக்காளர் நேசராசா மற்றும்மட்டக்களப்பு மாவட்ட உள்ளுராட்சி உதவி ஆணையாளர் கே.சித்திரவேல் மற்றும்சுவிட்சர்லாந்து முனைப்பு நிறுவனத்தின்  நிறைவேற்றுப்பணிப்பாளர்மாணிக்கப்போடி.குமாரசுவாமி உட்பட முனைப்பு சிறிலங்கா நிறுவனத்தின்  பொருளாளர்அரசரெத்தினம்  தயானந்தரவி , உப செயலாளர் எல் தேவஅதிரன்  உட்பட பலமுக்கியஸ்தர்கள் கலந்து கொண்டனர்.
UNO GENEVA

69வது வருடத்தை கொண்டாடும் சர்வதேச மனித உரிமை பிரகடனம் . [December 10, 2017]

மனித உரிமைகளின் வரவிலக்கணம், அடிப்படைகளை கிறேக்கர், உரோம காலத்தில் உருவானதாக ...