Wednesday, January 17th, 2018

மரத்துப்போன மனிதம்! தொடரும் வன்மம்.? – ராம்.

Published on April 7, 2017-11:33 pm   ·   No Comments

His_Master's_Voiceஅண்மைக்காலமாக எம்மவரிடையே விரும்பத்தகாத, தவிர்க்ககூடிய செயல் ஒன்று, அருவருக்கத்தக்க விதமாக பதிவேறுகின்றன. எத்தனை ஆண்டுகள் ஆனாலும் தம்மோடு வாழ்ந்து மறைந்தவரை  நினைவு கூரல் மனித பண்புமட்டுமல்ல, அது நாலுகால் நன்றி உள்ள பிராணிக்கும் பொருந்தியதால் தான், ஹிஸ் மாஸ்டர்ஸ் வொயிஸ் HMV (His Masters Voice) என்ற இசைத்தட்டு குறியீடே உருவானது.

தன் எஜமானனின் குரல் ஒலிக்கும் போதெல்லாம் கண்ணீர் உதிர்த்த, அந்த நன்றி உள்ள ஜீவன் போலவே, ஈழப் போராட்டம் என்ற களத்தில், நண்பனாய், சகோதரனாய், தோழனாய் நின்றவர் நினைவு நிலைத்து நீடிக்கும். அது காலத்தால் அழியாது. காரணம் அது சுயநலம் அற்ற கூட்டு. மரணத்தின் வாசலை வலிந்து மிதித்த தியாகம். எமக்கு கிடைப்பது எம்மக்களுக்கான விடுதலை என்ற இனப்பற்று.

அவ்வாறான இழப்புகளை நினைவுகூரல் என்பது, எமது மன ஆதங்கத்தை வெளிப்படுத்துவதாக மட்டுமே அமையவேண்டும். அதற்கு மாறாக அந்த சம்பவத்துடன் சம்மந்தப்பட்டவர் மீது வசை பாடுவதாக அமைந்தால், கண்ணாடி வீட்டில் இருந்து கல் எறிந்தவர் நிலைக்கு, முகம் கொடுக்க வேண்டிவரும். முன்பு புலிகள் தவி ர்ந்த ஏனைய அமைப்புகளை ஒட்டுக்குழுக்கள் என எழுதும் பத்திரிக்கை தர்மம் இருந்தது.

அதே புலிகள் பிரேமதாசாவுடன் உறவாடியபோதும், மகிந்தவை வெல்லவைக்க கோடிகளை வாங்கியபோதும், அது தந்திரோபாயம் என சங்கூதியது. அடுத்தவரை துரோகி என பறை அடித்தவரே மாத்தையா துரோகி, கருணா துரோகி என முத்திரை குத்தினர். பிரபாகரன் மறைவிற்கு பின்னர் தமிழினியின் கூர்வாளின் நிழல் பற்றி பேசுவோரும், ஐயர் முதல் பலரின் பதிவுகளை அலசுபவரும், இதே பத்திரிகா தர்மம் அறிந்த ஜாம்பவான்களே.

எத்தனையோ தவறுகள், தப்புகள் தலைமகளுக்கு தெரிந்தும் தெரியாமலும் எல்லா அமைப்புகளிலும் நடந்தேறின. சிலதலைமைகள் தண்டித்தன. சில தலைமைகள் கண்டித்தன. சில தலைமைகள் கண்டும் காணாமல் விட்டன. ஒழுங்கு படுத்தப்பட்ட இராணுவ கட்டுப்பாட்டு அமைப்பில் கூட, ஒழுங்கீனங்களை கட்டுப்படுத்தத் தான் மில்றி பொலிஸ் உள்ளது. மார்ஸல் கோட் முறையும் உள்ளது.

அரச படைகளிலேயே அவ்வாறு என்றால், எங்கும் தவறு நடக்கலாம், எவரும் தவறு இழைக்கலாம் என்பதற்கான ஏற்பாடே, அந்த கட்டமைப்பு. இங்கு இயக்கங்கள் தோன்றிய விதம் பற்றி நான் விளக்க வேண்டிய தேவை எல்லை. முதலில் உணர்ச்சி, பின் உணர்வு, பின்பு தெளிவு அதன் பின் செயல் என்ற ஒழுங்கு முறை வருமுன்பே அனைவரின் கையிலும் ஆயுதம், அவர் தம் சொல்ப்படி இயங்கியது.

முடிவு மட்டுமே தலைமைக்கு புனைதலுடன் தெரிவிக்கப்பட்டது. ஒவ்வொரு ஆயுததாரிக்கு பின்னாலும், அதன் தலைமைத்துவம் தன் கழுகு பார்வையை செலுத்தும் சூழ்நிலை ஈழ விடுதலை போராட்ட காலத்தில் இருக்கவில்லை. அந்த பகுதி பொறுப்பாளரின் அறிக்கை, அவர் செய்த செயலை நியாயப்படுத்தி இயக்க தலைமையை தலையாட்ட செய்த சம்பவங்கள் நிறையவே உண்டு. இது சகல அமைப்புகளுக்கும் பொருந்தும்.

எனவே இன்று திகதி மாதம் தவறாமல், தம்முடன் இணைந்து போராடிய காலத்தில் மரணித்த உறவுகளை நினைவு கூரும் எவரும், அதில் சம்மந்தப்பட்ட எதிர்த்தரப்பை பாசிச வாதிகள், இரத்தவெறியர் என அர்ச்சனை செய்வதை விடுத்து, இந்த சம்பவம் இந்த அமைப்பால் நடந்தது என்ற விடயத்தை பதிந்து விட்டு நீங்கள் நேசித்தவரின் நினைவாக அவர் தம் சாதனைகளை பதிவிடுங்கள். மாறாக பழையதை கிளறினால் உங்கள் பக்கத்து புதைகுழிகளும் தோண்டப்படும்.

அதில் இருந்து சுந்தரம், இறைகுமாரன், உமைகுமாரன், அமீன், ரேகன், கந்தன்கருணை, மட்டுமல்ல, தர்மலிங்கம், ஆலாலசுந்தரம், TRRO கந்தசாமி, பாதிரியார் சந்திரா பெர்னாண்டோ, வைத்தியர் ஞானி, கல்லூரி மாணவன் அகிலன், ஜோசப் பரராஜாசிங்கம் என ஆயுதம் ஏந்தாது வீழ்ந்து பட்டவரின் பெயர் பட்டியலும் நீண்டு கொண்டே போகும். வரலாற்றை பதிகிறோம் என்ற பெயரில் வன்மத்தை விதைத்தால் மனிதம் மரத்துவிடும்.

எம் இளையவரின் எதிர்கால துளிர்ப்பு என்பது நாம் விதைத்ததை அவர்களை கொண்டு அறுப்பதல்ல. நாம் தவறாக தெரிவு செய்ததை சுயம் கொண்டு தெரிவித்து அவர்களின் சிந்தனையை தூண்டுவது மட்டுமே. தெரிவிப்பது நாங்களாகவும் தீர்மானிப்பது அவர்களாகவும் நிலைமை மாற வேண்டும். மாறாக நாம் கடந்து வந்த கசப்பான அனுபவங்களை கொண்டு அவர்களையும் அணிகளாக பிரிக்கும் செயலை செய்வதால் எந்த விடியலும் எம் இனத்துக்கு என்றும் சாத்தியம் இல்லை. 

– ராம் –    His_Master's_Voice    

Readers Comments (0)

Comments are closed.

செய்திகள்

kennady

நண்பன் கெனடியின் மரணம்- அதிர்ச்சியிலிருந்து மீளமுடியவில்லை. – இரா.துரைரத்தினம். [January 11, 2018]

எனது மிகநெருங்கிய நண்பனும் கிழக்கு பல்கலைக்கழக முன்னாள் விரிவுரையாளரும், எத்தோப்பிய ...
vavuniya

மகாறம்பைக்குளத்தில் பெண் ஒருவர் கொலை- பெண்ணின் காதலனும் சடலமாக மீட்பு [January 9, 2018]

வவுனியா மகாறம்பைக்குளம் பொலிஸ் காவலரனுக்கு பின்புறம் அமைந்துள்ள வீடொன்றிலிருந்து இன்று ...
srinesan 3

ஊடகவியலாளர்கள் கல்விமான்களை வேட்டையாடியவர்கள் வாக்கு கேட்கின்றனர். [January 8, 2018]

புத்திஜீவிகள் ஊடகவியலாளர்கள் கல்விமான்களை படுகொலை செய்தவர்கள் இன்று வாக்கு கேட்கின்றனர். ...
ananda

ஆனந்தசங்கரி- சுரேஷ் கூட்டணியின் தேர்தல் விஞ்ஞாபனம்- வேசம் கலைந்தது. [January 5, 2018]

ஆனந்தசங்கரி மற்றும் ஈ.பி தலைவர் சுரேஷ் பிரேமச்சந்திரன் ஆகியோரின் கூட்டணியான ...
raveendran

பொதுமக்களை பொலிஸார் அச்சுறுத்தினால் உடன் அறிவியுங்கள்- பொலிஸ் ஆணைக்குழு அறிவிப்பு [January 5, 2018]

பொதுமக்களை தாக்குதல், அடித்தல் துன்புறுத்தல் மற்றும் அதிகாரத்தை முறைகேடாகப் பயன்படுத்துதல் ...
uthayakuma

யாழ் மற்றும் மட்டக்களப்பு மாநகரசபைகளுக்கான சூரியன், சைக்கிள் கட்சிகளுக்கு நடந்த அவலம். [December 21, 2017]

யாழ்ப்பாண மாநகரசபைக்கென தமிழர் விடுதலைக் கூட்டணி சமர்ப்பித்த வேட்புமனு உரிய ...
sritharan

கிளிநொச்சி மாவட்டத்தில் பங்களாகிக்கட்சிகளை ஒதுக்கவில்லை – சிறிதரன் விளக்கம். [December 21, 2017]

கிளிநொச்சி மாவட்டத்தில் 3 பிரதேச சபைகளுக்குமான தேர்தல் வேட்பாளர் பட்டியலில் ...
ananthy 1

அனந்தி வந்தபோது எழுந்து நிற்காமல் மேலும் கீழும் பார்த்த வயதான காவலாளியின் வேலை பறிபோனது! [December 17, 2017]

வடமாகாண அமைச்சர் அனந்தி சசிதரனிற்கு எழுந்து மரியாதை செய்யாத வயதான காவலாளி ...
DSC02631

முனைப்பினால் 34 பேருக்கு வாழ்வாதார உதவிகள் [December 11, 2017]

முனைப்பு சிறிலங்கா நிறுவனத்தின் வறுமைக் கோட்டின் கீழ் வாழும் மக்களின் வாழக்கைதரத்தினை மேம்படுத்தும் வேலைத்திட்டத்தின் கீழ்  இவ்வாண்டு (2017) 34 பேருக்குவாழ்வாதாரத்துக்கான உதவிகள் வழங்கி வைக்கப்பட்டுள்ளதுடன் அத்திட்டங்கள் ஊடாகபயனாளிகள் நாளாந்த வருமானத்தைப்பெற்று வருவதாக முனைப்பின்சிறிலங்காநிறுவனத்தின் செயலாளர் இ.குகநாதன் தெரிவித்தார்.   மட்டக்களப்பிலுள்ள தெரிவு செய்யப்பட்ட  சில குடும்பங்களுக்கு  வாழ்வாதரஉபகரணங்கள்  வழங்கும் நிகழ்வு  (9.12.2017) சனிக்கிழமை மாலை மட்டக்களப்பு கச்சேரியில்வைத்து வழங்கி வைக்கப்பட்டது. முனைப்பின் சிறிலங்காநிறுவனத்தலைவர் மா.சசிகுமார் தலைமையில் நடைபெற்ற நிகழ்வில்  பிரதம அதிதியாக மாவட்ட அரசாங்க அதிபர் மாணிக்கம் உதயகுமார் கலந்து கொண்டுபயனாளிகளுக்கு உபகரணங்களை வழங்கி வைத்தார். சுவிட்சர்லாந்து முனைப்பு நிறுவனத்தின் நிதி அனுசரணையுடன் இந்த வாழ்வாதார உபகரணங்கள் வழங்கப்பட்டன. இந்த வைபவத்தில்;  மட்டக்களப்பு மாவட்ட செயலக கணக்காளர் நேசராசா மற்றும்மட்டக்களப்பு மாவட்ட உள்ளுராட்சி உதவி ஆணையாளர் கே.சித்திரவேல் மற்றும்சுவிட்சர்லாந்து முனைப்பு நிறுவனத்தின்  நிறைவேற்றுப்பணிப்பாளர்மாணிக்கப்போடி.குமாரசுவாமி உட்பட முனைப்பு சிறிலங்கா நிறுவனத்தின்  பொருளாளர்அரசரெத்தினம்  தயானந்தரவி , உப செயலாளர் எல் தேவஅதிரன்  உட்பட பலமுக்கியஸ்தர்கள் கலந்து கொண்டனர்.
UNO GENEVA

69வது வருடத்தை கொண்டாடும் சர்வதேச மனித உரிமை பிரகடனம் . [December 10, 2017]

மனித உரிமைகளின் வரவிலக்கணம், அடிப்படைகளை கிறேக்கர், உரோம காலத்தில் உருவானதாக ...