Sunday, December 17th, 2017

கடல்நீரை நன்னீராக்கும் சர்ச்சையான திட்டம் பற்றி கலாநிதி எஸ்.சிவகுமார் தினக்கதிருக்கு வழங்கிய பிரத்தியேக செவ்வி VIDEO

Published on May 28, 2017-10:41 pm   ·   No Comments

sivakumarஆண்டவன் தந்த தண்ணீரை சரியாக முகாமைத்துவம் செய்யாது கடலில் கலக்க விட்டுவிட்டு கடல்நீரை எடுத்து நன்னீராக்க முற்படுகிறார்கள், வடமாகாணத்தில் இருக்கும் 23 ஆறுகளிலிருந்து வெளியேறும் தண்ணீரை சேமித்தாலே வடமாகாணத்திற்கான குடிநீர் பிரச்சினையை தீர்க்க முடியும் என யாழ். பல்கலைக்கழக குடிசார் பொறியியல் பீடத் தலைவர் கலாநிதி எஸ்.சிவகுமார் தினக்கதிர் இணையத்தளத்திற்கு வழங்கிய பிரத்தியேக செவ்வியில் தெரிவித்தார்.

இரணைமடு குள நீரை யாழ். குடிநீருக்கு கொண்டு செல்வதை தடுப்பதன் பின்னணியில் விவசாயிகள் இருக்கிறார்கள் என கூறமுடியாது. சில அரசியல்வாதிகளும் அதிகாரிகளுமே இதற்கு தடையாக இருக்கிறார்கள் என்றும் அவர் குற்றம் சாட்டினார்.

இந்த விடயத்தில் வடமாகாணசபை கூட தவறான பாதையில் செல்வதாகவும். இரணைமடு குள நீரை குடிநீருக்காக பயன்படுத்துவது தொடர்பாக ஆராய்வதற்காக 9பேர் கொண்ட குழு நியமிக்கப்பட்டது. இக்குழு தங்களின் எண்ணத்திற்கு ஏற்ப அறிக்கையை தராது என எண்ணிய வடமாகாணசபை தங்களுக்கு சார்பான 6பேரை புதிதாக அக்குழுவில் நியமித்து அக்குழுவின் தீர்மானத்தை மாற்றியமைத்தார்கள் என்றும் அவர் குற்றம் சாட்டினார்.

வடமராட்சி கிழக்கில் கடல்நீரை நன்னீராக்கும் திட்டத்தால் அப்பிரதேச சூழலுக்கு பாதிப்பு ஏற்படும் என்பதையும் அவர் மறுக்கவில்லை. கழிவுகளை சரியான முறையில் அகற்றவில்லை என்றால் அப்பிரதேச குடிநீர் கிணறுகள் உட்பட சூழல் பாதிக்கப்படும் என்றும் மீன் உற்பத்தி பாதிக்கப்படும் என்றும் அவர் தெரிவித்தார்.

10எம்.சி அளவான குடிநீரை பெறுவதற்கு 25எம்.சி அளவான கடல்நீரை எடுக்க வேண்டும். அதில் 15எம்.சி அளவான உப்பு செறிவுள்ள கழிவான நீரை மீண்டும் கடலுக்குள் விட்டால் அப்பிரதேச கடல் வளம் பாதிக்கப்படும் என்றும் அதனை தரையில் கொட்டினால் அப்பிரதேச குடிநீர் கிணறுகளும் சூழலும் பாதிக்கப்படும் என்றும் அவர் தெரிவித்தார்.

நீரை சுத்திகரிக்கும் இயந்திரங்களை இயக்குவதற்காக பயன்படுத்தப்படும் டீசல் கழிவுகளை அகற்றுவதற்கான சரியான திட்டங்களும் கிடையாது. சுன்னாகத்தில் கழிவு ஒயில் நிலத்தடி நீரில் கலந்தது போன்ற அபாயம் வடமராட்சி கிழக்கிலும் ஏற்படலாம் என்றும் அவர் எச்சரித்தார்.

இத்திட்டம் பற்றி நியமிக்கப்பட்ட நிபுணர் குழு கூட நம்பத்தன்மை வாய்ந்ததில்லை. தங்களின் எண்ணத்திற்கு இசைந்து செல்லக் கூடியவர்களை நிபுணர் குழுவில் நியமித்து தமக்கு சாதகமான அறிக்கையை பெறுவதற்கே முற்படுகிறார்கள்.

இரணைமடு குள நீரிலும் வடமராட்சி கிழக்கில் கடல் நீரை நன்னீராக்கும் திட்டத்திலும் அரசியல் கலந்திருக்கிறது. இரணைமடு குள நீரை யாழ்.குடாநாட்டிற்கு கொண்டு செல்வதை அரசியல்வாதிகள் தடுத்தார்கள். சூழலுக்கு பாதிப்பு ஏற்படும் என தெரிந்தும் வடமராட்சி கிழக்கை பிரதிநிதித்துவப்படும் அரசியல்வாதிகளால் ஏன் தடுக்க முடியாமல் இருக்கிறது.

வடமராட்சி கிழக்கு இந்த ஆபத்துகளிலிருந்து காப்பாற்றப்பட வேண்டுமாக இருந்தால் இறக்குமதி செய்யப்பட்ட அரசியல் தலைமைகளை தவிர்த்து அப்பிரதேசத்திலிருந்து கீழ் மட்டத்திலிருந்து அரசியல் தலைமைகள் உருவாக வேண்டும். அப்பிரதேச மக்கள் மத்தியில் விழிப்புணர்வு ஏற்பட வேண்டும் என்றும் அவர் தெரிவித்தார்.
கலாநிதி சிவகுமார் தினக்கதிர் இணையத்தளத்திற்கு பிரத்தியேகமாக வழங்கிய செவ்வியின் முழு காணொளி வடிவத்தையும் இங்கே காணலாம். ( இரா.துரைரத்தினம் )


sivakumar

Readers Comments (0)

Comments are closed.

செய்திகள்

DSC02631

முனைப்பினால் 34 பேருக்கு வாழ்வாதார உதவிகள் [December 11, 2017]

முனைப்பு சிறிலங்கா நிறுவனத்தின் வறுமைக் கோட்டின் கீழ் வாழும் மக்களின் வாழக்கைதரத்தினை மேம்படுத்தும் வேலைத்திட்டத்தின் கீழ்  இவ்வாண்டு (2017) 34 பேருக்குவாழ்வாதாரத்துக்கான உதவிகள் வழங்கி வைக்கப்பட்டுள்ளதுடன் அத்திட்டங்கள் ஊடாகபயனாளிகள் நாளாந்த வருமானத்தைப்பெற்று வருவதாக முனைப்பின்சிறிலங்காநிறுவனத்தின் செயலாளர் இ.குகநாதன் தெரிவித்தார்.   மட்டக்களப்பிலுள்ள தெரிவு செய்யப்பட்ட  சில குடும்பங்களுக்கு  வாழ்வாதரஉபகரணங்கள்  வழங்கும் நிகழ்வு  (9.12.2017) சனிக்கிழமை மாலை மட்டக்களப்பு கச்சேரியில்வைத்து வழங்கி வைக்கப்பட்டது. முனைப்பின் சிறிலங்காநிறுவனத்தலைவர் மா.சசிகுமார் தலைமையில் நடைபெற்ற நிகழ்வில்  பிரதம அதிதியாக மாவட்ட அரசாங்க அதிபர் மாணிக்கம் உதயகுமார் கலந்து கொண்டுபயனாளிகளுக்கு உபகரணங்களை வழங்கி வைத்தார். சுவிட்சர்லாந்து முனைப்பு நிறுவனத்தின் நிதி அனுசரணையுடன் இந்த வாழ்வாதார உபகரணங்கள் வழங்கப்பட்டன. இந்த வைபவத்தில்;  மட்டக்களப்பு மாவட்ட செயலக கணக்காளர் நேசராசா மற்றும்மட்டக்களப்பு மாவட்ட உள்ளுராட்சி உதவி ஆணையாளர் கே.சித்திரவேல் மற்றும்சுவிட்சர்லாந்து முனைப்பு நிறுவனத்தின்  நிறைவேற்றுப்பணிப்பாளர்மாணிக்கப்போடி.குமாரசுவாமி உட்பட முனைப்பு சிறிலங்கா நிறுவனத்தின்  பொருளாளர்அரசரெத்தினம்  தயானந்தரவி , உப செயலாளர் எல் தேவஅதிரன்  உட்பட பலமுக்கியஸ்தர்கள் கலந்து கொண்டனர்.
UNO GENEVA

69வது வருடத்தை கொண்டாடும் சர்வதேச மனித உரிமை பிரகடனம் . [December 10, 2017]

மனித உரிமைகளின் வரவிலக்கணம், அடிப்படைகளை கிறேக்கர், உரோம காலத்தில் உருவானதாக ...
HDRLanka (16)

இலங்கையில் பல்சமய இல்லம் [December 10, 2017]

நல்லிணக்கம் என்ற பெயருக்கு பின் உள்ள திரைமறைவு நகர்வுகளை இட்டு ...
TNA me

தமிழ் தேசியக் கூட்டமைப்புக்குள் பங்கு பிரிப்பில் குழப்பம்- அவசரமாக கூடுகிறது ரெலோ. [December 4, 2017]

எதிர்வரும் உள்ளுராட்சி தேர்தலில் சில சபைகளில் கூடிய ஒதுக்கீடுகளை தமக்கு ...
NFGG

ஜெனிவாவில் ஐ.நா. மனித உரிமை சபை அதிகாரிகளை காத்தான்குடி ரஹ்மான் சந்தித்தார். [November 21, 2017]

ஜெனிவாவுக்கான விஜயத்தை மேற்கொண்டிருக்கும் நல்லாட்சிக்கான தேசிய முன்னணியின் தவிசாளர் பொறியியலாளர் ...
Sampanthan

தூக்கி ஆட்டிய சம்பந்தனுக்கு நீங்கள் காட்டிய நல்லெண்ணம் என்ன? – மனோ கேள்வி [November 21, 2017]

சிறிலங்காவின் தேசிய கொடியை தூக்கி ஆட்டிய சம்பந்தனுக்கு அரசாங்கம் காட்டிய ...
UN Geneva

தமிழர்கள் ஜெனிவாவை நம்பி இருக்க கூடாது [November 21, 2017]

நீதிக்கான போராட்டத் தடத்தில் ஜெனீவா (ஐ.நா மனித உரிமைச்சபை) ஒரு ...
Rajathurai former MP

முன்னாள் நாடாளுமன்ற உறுப்பினர்களுக்கு ஓய்வூதியத்துடன் மேலதிகமாக 10ஆயிரம் ரூபா [November 21, 2017]

இலங்கையில் உள்ள முன்னாள் நாடாளுமன்ற உறுப்பினர்களுக்கான ஓய்வூதியத்துக்கு மேலதிகமாக, 10 ...
Gopu

மூத்த பத்திரிகையாளர் எஸ்.எம்.கோபாலரத்தினம் காலமானார். [November 15, 2017]

கோபு என்றும் எஸ்.எம்.ஜி என்றும் தமிழ் பத்திகை உலகில் நன்கு ...
thanda

மட்டக்களப்பில் காத்தான்குடி பெண்ணுடன் இருந்த ஏழு இளைஞர்கள் கைது [November 13, 2017]

மட்டக்களப்பு பொலிஸ் பிரிவு தாண்டவன்வெளி பகுதியில் உள்ள வீடு ஒன்றில் ...