Thursday, August 17th, 2017

முள்ளிக்குளம் மக்களுக்கு தமிழ் அரசியல்வாதிகள் பொய் வாக்குறுதிகளை வழங்கினர்.

Published on June 5, 2017-2:13 pm   ·   No Comments

mullikulamமுள்ளிக்குளம் மக்களுக்கு தமிழ் அரசியல்வாதிகளும், மத தலைவர்களும், கடற்படையினரும் இணைந்து பொய் வாக்குறுதிகளையே வழங்கினார்கள். என முள்ளிக்குளம் மக்கள் கூறியுள்ளனர்.
முள்ளிக்குளம் மக்களுக்கு கடந்த சித்திரை மாதம் 29ம் திகதி வாக்குறுதி வழங்கப்பட்டபோதும், கடந்த 35 நாட்களுக்கு மேலாக மக்கள் சொந்த நிலத்திற்கு செல்ல இயலாமல் வீதியில் கிடப்பதாகவும் தேசிய மீனவர் ஒத்துழைப்பு இயக்கம் தெரிவித்ள்ளது.

தேசிய மீனவர் ஒத்துழைப்பு இயக்கத்தின் ஒழுங்கமைப்பில் முள்ளிக்குளம் மக்கள் சார்பில் முள்ளிக்குளத்தை சேர்ந்த அந்தோனி லம்பட் மற்றும் அந்தோனி குறூஸ் என்ற இருவர் யாழ்.ஊடக அமையத்தில் இன்று காலை ஊடகவியலாளர் சந்திப்பொன்றை நடத்திய போதே அவர்கள் இதனைத் தெரிவித்துள்ளனர்.
இதன்போது அந்தோனி லம்பட் கூறுகையில்,
2007ம் ஆண்டு முள்ளிக்குளம் கிராமத்திலிருந்து படையினரால் வெளியேற்றப்பட்டோம். அன்று தொடக்கம் இடம்பெயர்ந்து மாற்று இடங்களில் வாழ்ந்து வருகின்றோம். இதற்கிடையில் பல போராட்டங்களை நடத்தியதுடன் ஜனாதிபதி பாதுகாப்பு செயலாளர் ஆகியோருக்கும் எமது பிரச்சினை தொடர்பாக சுட்டிக்காட்டியிருந்தோம். எனினும் எந்தவிதமான நடவடிக்கைகளும் எடுக்கப்படவில்லை.
இந்நிலையில் கடந்த பங்குனி மாதம் 23ம் திகதி முள்ளிக்குளம் கிராமத்தை சேர்ந்த பெண்கள் இணைந்து ஒரு போராட்டத்தை ஒழுங்கமைத்து தொடர்ச்சியாக சித்திரை மாதம் 29ம் திகதி வரை நடத்தியிருந்தனர். இந்நிலையில் 29ம் திகதி 38வது நாள் போராட்டத்தின்போது கடற்படை தளபதி மற்றும், தமிழ்தேசிய கூட்டமைப்பின் நாடாளுமன்ற உறுப்பினர்கள் மற்றும் மாகாண அமைச்சர்கள், கிறிஸ்த்தவ மத தலைவர்கள் கலந்து கொண்டு கடற்படையினரின் வசம் உள்ள காணிகள் 3 நாட்களுக்குள் மக்களிடம் வழங்கப்படும் என உறுதியளித்தனர். அது வரையில் முள்ளிக்குளம் பரலோக மாதா ஆலயத்தில் எம்மை தங்கிpயிருக்குமாறும் கேட்டு கொண்டனர். ஆனால் வாக்குறுதி வழங்கிய படி எதுவுமே நடக்கவில்லை. சித்திரை மாதம் 29ம் திகதி தொடக்கம் 35 நாட்களுக்கு மேலாக முள்ளிக்குளம் பரலோக மாதா ஆலயத்திலேயே மக்கள் இருக்கிறார்கள். இந்நிலையில் தமிழ் அரசியல்வாதிகளும் மத தலைவர்களும் இணைந்து எங்களை ஏமாற்றி விட்டார்கள். என்றார்.

தொடர்ந்து அந்தோனி குறூஸ் கூறுகையில், முள்ளிக்குளத்திற்குள் சுமார் 8 வரை யான குளங்கள் உள்ளது. அதேபோல் முடக்காம ஆறு என்ற ஆறும் உள்ளது. அவையும் கடற்படையின் கட்டுப்பாட்டுக்குள் உள்ளது. இதனால் மக்கள் வாழ்வாதாரத்திற்கு பெரும் கஸ்டப்படுகின்றார்கள். குறிப்பாக முள்ளிக்குளம் மக்களுக்கு சமுர்த்தி நிவாரணம் கூட வழங்கப்படுவதில்லை. இந்நிலையில் நாங்கள் ஏமாற்றப்பட்டிருக்கிறோம் என்றார்.
தொடர்ந்து தேசிய மீனவர் ஒத்துழைப்பு இயக்கத்தின் இணைப்பாளர் அன்ரனி ஜேசுதாஸ் கூறுகையில், கடந்த 2012ம் ஆண்டு முன்னாள் பாதுகாப்பு அமைச்சின் செயலாளர் கோட்டாபாய ராஜபக்ஸ மற்றும் கத்தோலிக்க மத தலைவர் கர்தினால் மல்கம் ரஞ்சித் ஆகியோர் முள்ளிக்குளம் மக்களை சந்தித்து 3 மாதங்கள் கால அவகாசம் கேட்டிருந்தனர். அதனோடு கர்தினால் மல்கம் ரஞ்சித்த தன்னை நம்புங்கள் என முள்ளிக்குளம் மக்களிடம் கேட்டிருந்தார். ஆனால் அவர் பின்னர் முள்ளிக்குளம் மக்களை பற்றி பேசுவதையே நிறுத்திவிட்டார். அவ்வாறான ஒரு செயலையே மன்னார் மறைமாவட்டமும் செய்கிறதா? என எண்ண தோன்றுகின்றது. இதேவேளை கடந்த சித்திரை மாதம் 29ம் திகதி மக்கள் போராட்டத்தை கைவிட்டபோது கடற்படையினரும் தமிழ் நாடாளுமன்ற உறுப்பினர்களும் மத தலைவர்களும் இணைந்து முள்ளிக்குளம் மக்களை கடற்படை முகாமுக்குள் அழைத்து சென்று பேசியிருக்கிறார்கள். இந்த பேச்சுவார்த்தை ஆங்கிலத்தில் நடைபெற்றுள்ளது. எனவே மக்களுக்கும் அந்த விடயம் தெரியாது எனவே மக்கள் ஏமாற்றப்பட்டுள்ளதுடன், ஒரு வாரத்திற்குள் வழங்கிய வாக்குறுதிகளை நிறைவேற்றாவிட்டால் மீண்டும் போராட்டத்தை நடத்தும் மனோநிலையில் மக்கள் உள்ளதாகவும் தெரிவித்தனர்.


mullikulam

Readers Comments (0)

Comments are closed.

செய்திகள்

Thavarasa

எனது குற்றச்சாட்டுக்களை மறைமுகமாக ஏற்றுக் கொண்டார் முதலமைச்சர்: சி.தவராசா [August 17, 2017]

முதலமைச்சர் நீண்ட உரையினை ஆற்றிய போதும் நான் வினைத்திறன் அற்றவை ...
vicky-1

விக்கியை நம்பியோருக்கு கிடைத்துள்ள ஏமாற்றம்! [August 11, 2017]

வடக்கின் முதலமைச்சர் விக்னேஸ்வரன் மீதான நம்பிக்கைகள் வீழ்ச்சியடையத் தொடங்கியுள்ளன. விக்னே ...
Nallur Drama Festivals (1)

பன்னிரெண்டு நாடகங்களுடன் நல்லூர் நாடகத்திருவிழா பத்து நாட்கள் நடைபெறகின்றது [August 6, 2017]

நல்லூர் பெரும் திருவழாக்காலத்தில் செயல்திறன் அரங்க இயக்கம் நடத்துகின்ற நல்லூர் ...
Rudrakumar

யதார்த்தத்தை புரியாது செயற்படும் புலம்பெயர் தமிழ் அமைப்புக்கள். – இரா.துரைரத்தினம் [August 6, 2017]

தமிழீழத்திற்கான ஆயுதப்போராட்டத்தை தமிழீழ விடுதலைப்புலிகள் நடத்தி வந்த வேளையில் புலம்பெயர் ...
NFGG-8543

கட்சியிலிருந்து அய்யூப் அஸ்மின் நீக்கம்: நல்லாட்சிக்கான தேசிய முன்னணி அறிவிப்பு [August 6, 2017]

“அய்யூப் அஸ்மின் கட்சியிலிருந்தும், கட்சியின் சகல நடவடிக்கைகளிலிருந்தும் முழுமையாக நீக்கப்படுவதோடு, ...
srikantha

முயலுடன் ஓடிக்கொண்டு வேட்டை நாயுடன் வேட்டையில் ஈடுபட முடியாது – விக்கிக்கு சிறிகாந்தா பதில். [August 3, 2017]

பொலீசாரால் குடாநாட்டின் இன்றைய நிலைமையை வெற்றிகரமாக எதிர்கொள்ள முடியும் என்பதில் ...
azmin5

காத்தான்குடி படுகொலை – வடமாகாணசபை உறுப்பினர் அஸ்மீனுக்கு ஏற்பட்டுள்ள நெருக்கடி [August 3, 2017]

வடக்கு மாகாண சபை உறுப்பினர் அய்யூப் அஸ்மீன் காத்தான்குடி பள்ளிவாசல் ...
cv

பயிற்சி பெற்றவர்கள் வடக்கிலும் அவ்வாறான குற்றச்செயல்களில் ஈடுபட வாய்ப்பிருக்கின்றது – விக்னேஷ்வரன் [August 2, 2017]

இராணுவத்தில் இருந்து ஓடிப்போனவர்கள் தெற்கிலே எவ்வாறு பாரிய குற்றங்களைப் புரிந்தார்களோ ...
raguram

தற்காலச் சூழலில் தமிழ் ஊடகவியலாளர்கள் எதிர்நோக்கும் சவால்கள் – கலாநிதி எஸ்.ரகுராம் [August 2, 2017]

யாழ்ப்பாணம் இந்துக்கல்லூரி பழைய மாணவனும் யாழ்ப்பாணப் பல்கலைக்கழக ஊடக மாணவனும் ...
police 3

சட்டவிரோத நடவடிக்கைகளை தடுப்பது தொடர்பில் பொதுமக்களின் உதவி தேவை- பொலிஸ் மா அதிபர் [August 1, 2017]

யாழ் மாவட்டத்தில் இடம்பெறும் சட்டவிரோத நடவடிக்கைகளை தடுப்பது தொடர்பில் பொதுமக்களின் ...