Tuesday, September 19th, 2017

ஊடகத்துறையில் 50அகவை காணும் குகநாதனுக்கு நவயுக நக்கீரன் என்ற பட்டமளித்து கௌரவிப்பு.

Published on June 18, 2017-12:37 am   ·   No Comments

DSC_0285இலங்கையின் தமிழ் பத்திரிகை உலகில் மூத்த ஊடகவியலாளரும் உதயன் பத்திரிகையின் முன்னாள் செய்தியாசிரியருமான ஞானசுந்தரம் குகநாதன் அவர்களுக்கு சுவிட்சர்லாந்தில் நவயுக நக்கீரன் என்ற பட்டம் வழங்கி கௌரவிக்கப்பட்டது.

சுவிட்சர்லாந்து சென்.மாக்கிறேத்தன் ஸ்ரீகதிர்வேலாயுத சுவாமி ஆலய நிர்வாகம் ஊடகவியலாளர் குகநாதன் அவர்களின் 65ஆவது அகவையை முன்னிட்டும் ஊடகத்துறையில் கால் பதித்து 50 அகவை நிறைவை முன்னிட்டும் அவர் திருமண பந்தத்தில் இணைந்து 40ஆண்டுகள் நிறைவை முன்னிட்டும் மதிப்பளிக்கும் விழா ஒன்றை நேற்று சனிக்கிழமை ஸ்ரீகதிர்வேலாயுத சுவாமி ஆலயத்தில் நடத்தியது.

ஸ்ரீகதிர்வேலாயுத சுவாமி ஆலய நிர்வாகத்தலைவர் வே.கணேசகுமார் தலைமையில் நடைபெற்ற இவ்விழாவில் ஊடகவியலாளர்கள், பொதுமக்கள் ஆலய பரிபாலனசபையினர் என பெருந்தொகையானோர் கலந்து கொண்டனர்.

ஆலய முன்வீதியிலிருந்து செந்தூரன் குழுவினரின் மங்கள வாத்திய இசையுடன் ஊடகவியலாளர் ஞா.குகநாதன், அவரின் துணைவியார் திருமதி நல்லநாயகி குகநாதன் ஆகியோர் அழைத்து செல்லப்பட்டு ஆலயத்தில் விசேட பூசை வழிபாடுகள் நடைபெற்றன. ஆலய பிரதம குரு சிவஸ்ரீ பா. ஜோதிநாதநாதக்குருக்கள் பூசைகளை நடத்தி வைத்தார்.

அதனை தொடர்ந்து ஆலய மண்டபத்தில் மதிப்பளிக்கும் விழா நடைபெற்றது. நிகழ்ச்சிகளை ஆறுமுகம் செந்தில்நாதன் தொகுத்து வழங்கினார்.
விழா ஏற்பாட்டுக்குழுவில் ஒருவரான ஜெயமோகன் சிறப்பு மலரை வெளியிட்டு வைத்து வாழ்த்துரை வழங்கினார்.

அதனைத்தொடர்ந்து தமிழர் மனித உரிமை மையப் பொதுச்செயலாளர் ச.வி.கிருபாகரன், ஊடகவியலாளர்களான இரா.துரைரத்தினம், , ரவி, சண்.தவராசா, எம்.சுஜர்சன், மற்றும் திருமதி விஸ்வசீதா அட்சரநாதன், தம்பிப்பிள்ளை நமசிவாயம், எஸ்.புவனேந்திரன், எஸ்.சரவணபெருமாள், லோகேஸ்வரன், தாமோதரம், றெயின்தாள் தமிழ்மன்றம் சார்பில் உதயகுமார் உட்பட பலரும் வாழ்த்துரைகளை வழங்கினர்.

இளம் ஊடகவியலாளருக்கு வழிகாட்டியாக திகழ்ந்த குகநாதன் செய்திகளை தேடுவதில் மட்டுமல்ல செய்திகளை கறப்பதிலும் வல்லவர் என வாழ்த்துரை வழங்கிய ஊடகவியலாளர்கள் புகழாரம் சூட்டினர்.

50ஆண்டுகால ஊடக பணி என்பது சாதாரணமான ஒன்றல்ல, அந்த அசாத்திய பயணத்தில் வெற்றி கொண்ட குகநாதன் யாழ்ப்பாணத்தில் மிக நெருக்கடியான காலத்தில் உயிராபத்தின் மத்தியில் பணியாற்றினார். பல தடவைகள் உயிராபத்தில் இருந்து தப்பிய போதிலும் 2011ஆம் ஆண்டு தாக்குதலுக்கு உள்ளாகி படுகாயமடைந்த நிலையில் சுவிட்சர்லாந்தில் அடைக்கலம் தேடிக்கொண்டார். ஆனாலும் தொடர்ந்து தனது எழுத்தின் திசையை ஆத்மீக துறையின் பக்கம் திருப்பி கொண்டாலும் இன்னும் அவரிடமிருந்து சமூக நலன்சார்ந்த ஊடகப்பணியை எமது சமூகம் எதிர்பார்க்கிறது என ஊடகவியலாளர்கள் சுட்டிக்காட்டினர்.

பதிலுரை வழங்கிய ஊடகவியலாளர் குகநாதன் தன்னை ஊடகத்துறைக்கு அழைத்து வந்த தந்தையை நினைவு கூர்ந்தார். தந்தையின் வழியில் ஊடகத்துறையில் 50 ஆண்டுகாலம் தனது கடினமான ஊடகப்பயணத்தில் சலிக்காது தன்னுடன் பயணித்த துணைவியாருக்கும் நன்றி தெரிவித்தார்.

ஸ்ரீகதிர்வேலாயுத சுவாமி ஆலய பொருளாளர் சதா.அற்புதராசா நன்றியுரையாற்றினார்.

(இரா.துரைரத்தினம் ) DSC_0285DSC_0008DSC_0011DSC_0017DSC_0029DSC_0034DSC_0070DSC_0087DSC_0117DSC_0136DSC_0140DSC_0163DSC_0164DSC_0166DSC_0167DSC_0174DSC_0175DSC_0177DSC_0213DSC_0222DSC_0224DSC_0237DSC_0241DSC_0246DSC_0250DSC_0253DSC_0259DSC_0266DSC_0274DSC_0276DSC_0285DSC_0293IMG_0009IMG_0015IMG_0032IMG_0046IMG_0057IMG_0061IMG_9965IMG_9996

Readers Comments (0)

Comments are closed.

செய்திகள்

gunaseelan

ரெலோ உறுப்பினர் குணசீலன் மகிந்த தரப்பிடமிருந்து 2கோடியை பெற்றார் என ரெலோ சிறிகாந்தா குற்றச்சாட்டு [August 24, 2017]

கட்சியின் முடிவை மீறி அமைச்சர் பதவியைப் பொறுப்பேற்ற ரெலோவின் மாகாணசபை ...
Thavarasa

எனது குற்றச்சாட்டுக்களை மறைமுகமாக ஏற்றுக் கொண்டார் முதலமைச்சர்: சி.தவராசா [August 17, 2017]

முதலமைச்சர் நீண்ட உரையினை ஆற்றிய போதும் நான் வினைத்திறன் அற்றவை ...
vicky-1

விக்கியை நம்பியோருக்கு கிடைத்துள்ள ஏமாற்றம்! [August 11, 2017]

வடக்கின் முதலமைச்சர் விக்னேஸ்வரன் மீதான நம்பிக்கைகள் வீழ்ச்சியடையத் தொடங்கியுள்ளன. விக்னே ...
Nallur Drama Festivals (1)

பன்னிரெண்டு நாடகங்களுடன் நல்லூர் நாடகத்திருவிழா பத்து நாட்கள் நடைபெறகின்றது [August 6, 2017]

நல்லூர் பெரும் திருவழாக்காலத்தில் செயல்திறன் அரங்க இயக்கம் நடத்துகின்ற நல்லூர் ...
Rudrakumar

யதார்த்தத்தை புரியாது செயற்படும் புலம்பெயர் தமிழ் அமைப்புக்கள். – இரா.துரைரத்தினம் [August 6, 2017]

தமிழீழத்திற்கான ஆயுதப்போராட்டத்தை தமிழீழ விடுதலைப்புலிகள் நடத்தி வந்த வேளையில் புலம்பெயர் ...
NFGG-8543

கட்சியிலிருந்து அய்யூப் அஸ்மின் நீக்கம்: நல்லாட்சிக்கான தேசிய முன்னணி அறிவிப்பு [August 6, 2017]

“அய்யூப் அஸ்மின் கட்சியிலிருந்தும், கட்சியின் சகல நடவடிக்கைகளிலிருந்தும் முழுமையாக நீக்கப்படுவதோடு, ...
srikantha

முயலுடன் ஓடிக்கொண்டு வேட்டை நாயுடன் வேட்டையில் ஈடுபட முடியாது – விக்கிக்கு சிறிகாந்தா பதில். [August 3, 2017]

பொலீசாரால் குடாநாட்டின் இன்றைய நிலைமையை வெற்றிகரமாக எதிர்கொள்ள முடியும் என்பதில் ...
azmin5

காத்தான்குடி படுகொலை – வடமாகாணசபை உறுப்பினர் அஸ்மீனுக்கு ஏற்பட்டுள்ள நெருக்கடி [August 3, 2017]

வடக்கு மாகாண சபை உறுப்பினர் அய்யூப் அஸ்மீன் காத்தான்குடி பள்ளிவாசல் ...
cv

பயிற்சி பெற்றவர்கள் வடக்கிலும் அவ்வாறான குற்றச்செயல்களில் ஈடுபட வாய்ப்பிருக்கின்றது – விக்னேஷ்வரன் [August 2, 2017]

இராணுவத்தில் இருந்து ஓடிப்போனவர்கள் தெற்கிலே எவ்வாறு பாரிய குற்றங்களைப் புரிந்தார்களோ ...
raguram

தற்காலச் சூழலில் தமிழ் ஊடகவியலாளர்கள் எதிர்நோக்கும் சவால்கள் – கலாநிதி எஸ்.ரகுராம் [August 2, 2017]

யாழ்ப்பாணம் இந்துக்கல்லூரி பழைய மாணவனும் யாழ்ப்பாணப் பல்கலைக்கழக ஊடக மாணவனும் ...