Sunday, November 19th, 2017

“ஒட்டிசுட்டானில் எங்கிருந்தோ வந்தவனின் குடியேற்றமும் வடமாகாண காணி அமைச்சரின் கையாலாகாத்தனமும்…”

Published on July 9, 2017-9:30 am   ·   No Comments

stanislosஇலங்கைஅரசியலமைப்பு சட்டத்திற்கு 1987.11.14 அன்று 13 வது திருத்தம் கொண்டுவரப்பட்டது…அத்திருத்த்தின் 9ம் அட்டவணை 3 நிரல்களை உள்ளடக்கி உள்ளது…

அவையாவன:-

1) List -1 ( Provincial Council List)
2) List -2 ( Reserved List)
3) List – 3 ( Concurrent List)

இங்கு மாகாணசபை ( Provincial Council List ) நிரலில் உள்ள 37 விடயங்களை அதன் பிற்சேர்க்கைகளிற்கு அமைவாக முழுமையாகவும், அத்துடன் ஒருங்கிணைந்த நிரலில் ( Concurrent List) உள்ள 36 விடயங்களை குறிப்பிட்ட ஓரளவிற்கும் கையாளும் அதிகாரத்தை இப் 13 வது திருத்தம் மாகாண சபைகளிற்கு வழங்குகின்றது.

அரச காணி அதிகாரம் மாகாணசபைகளிற்கு உள்ளதா?

இக் கேள்விக்கு எனது பதில் ஆம் என்பதாகும். மாகாண சபைக்குட்பட்ட அரச காணியை கையாளும் அதிகாரம் Provincial Council List ல் 18 வது அங்கமாக இவ்வாறு கூறப்படுகின்றது…

“18. Land – Land, that is to say, rights in or over land, land tenure, transfer and alienation of land, land use, land settlement and land improvement, to the extent set out in appendix…”

அத்துடன், ஓர் மாகாணத்தில் உள்ள அரச காணி ஒன்றை ஒருவரிற்கு பகிர்ந்தளிப்பது அல்லது கைமாற்றுவது எவ்வாறு என்பது தொடர்பில் இம்மாகாண நிரலற்கான பிற்சேர்க்கை 2ன் ஏற்பாடு 1:3 இவ்வாறு கூறுகிறது…

Appendix -2

Land and Land Settlement

State Land shall continue to vest in the Republic and may be disposed of in accordance with Article 33(d) and written law governing the matter.

Subject as aforesaid, land shall be a Provincial Council Subject, subject to the following special provisions :-

1:3 :- Alienation or disposition of the State land within a Province to any citizen or to any organization shall be by President, on the advice of the relevant Provincial Council, in accordance with the laws governing the matter.

இதன்படி ஓர் மாகாணத்தில் உள்ள அரச காணி ஒன்றை ஒரு நபரிற்கோ அல்லது ஒரு அமைப்பிற்கோ கைமாற்றும் அல்லது பகிர்ந்தளிக்கும் நடவடிக்கை, குறித்த சம்மந்தப்பட்ட மாகாணசபையின் ஆலோசனையின் அடிப்படையில், ஐனாதிபதியினால் மேற்கொள்ளப்படும். ஆக, இந்த “Advice of the relevant Provincial Council ” என்பது மாகாண அரச காணி தொடர்பில் மத்திய அரசு, மாகாண அரசுடன் சரியாக கலந்துரையாடி செயற்படும் ஓர் ” Consultative Process” ஐ கட்டாய தேவைப்பாடாக்குகிறது. அரச காணியை பகிர்ந்தளிப்பது தொடர்பான இத்தகைய ” ஆலோசனை ( Advice)” மாகாண அமைச்சரவையால் அம்மாகாண ஆளுநர் ( Governor) ஊடாக மத்திய அரசிற்கு தெரியப்படுத்தப்படும். மாகாண சபைக்கு பொறுப்பு கூறும் கடமைப்பாடு மாகாண அமைச்சரவையையே சாரும்.

மேலும், மாகாண அரச காணி தொடர்பில், காணி அபிவிருத்தி கட்டளைச்சட்டத்திற்கு ( Land Development Ordinance) அமைவாக, அந்தந்த பிரதேசத்தில் வசிக்கும் மக்களிற்கு வழங்கப்படும் ” Permit” மற்றும் “Grant” என்பவற்றை ஒழுங்குபடுத்தும் செயற்பாட்டை செய்யும் அதிகாரத்தை ” மாகாண காணி ஆணையாளரிற்கு” ( Provincial Land Commissioner) 1989 ம் ஆண்டின் 12 ம் இலக்க மாகாண சபைகள் சட்டம் ( The Provincial Council ( Consequential Provisions) Act No.12 of 1989) வழங்கியது. இவ் அதிகாரம் தற்போது மாகாண காணி ஆணையாளரின் “முகவரான” பிரதேச செயலாளர் ( Divisional Secretary- DS) மூலம் அந்தந்த பிரதேசங்களில் செயல்படுத்தப்படுகிறது.

ஆக, 13 வது திருத்தச் சட்டம் 14.11.1987 ல் நடைமுறைக்கு வந்த பிற்பாடு “காணி அபிவிருத்தி கட்டளைச்சட்டத்தின்” பிரிவு 19 (2) ன் கீழான “Permit” மற்றும் “Grant” ஐ மக்களிற்கு பகிர்ந்தளிப்பதற்காக, பயனாளிகளை தெரிவுசெய்யும் ( Selection of Allotees) அதிகாரம் அந்தந்த மாகாண சபைகளையே சாரும்.
எந்தவொரு “மத்திய அமைச்சரும்” மாகாண சபையின் பயனாளிகளை தெரிவு செய்யும் இவ் அதிகாரத்தை இல்லாமல் ஆக்கவும் முடியாது…அவ்வாறு செய்தால் அது அரசியலமைப்பு சட்டத்திற்கு முரணானதாகும்…அதற்கு துணைபோகும் பிரதேச செயலாளரின் செயற்பாடு அதிகார வரம்பு மீறலாகும்( Ultra Virus).

நான் கூறிய இவ்விடயங்களிற்கு ஆதாரமாக இலங்கை மேன்முறையீட்டு நீதிமன்றத்தால் ( Court of Appeal) தீர்க்கப்பட்ட வழக்கான H.M.Jothipala Vs. Divisional Secretary, Wellapana என்ற வழக்கில் நீதியரசர் Sisira De Abrew இவ்வாறு தனது தீர்ப்பில் கூறுகிறார்…

” Whilst the State Land is vested in the state, the utilization, administration and control could be with the Provincial Councils”

அதாவது “அரசகாணிகள் முடிக்குரிய சொத்தாக காணப்படும் போதிலும் அவ்வாறான அரச காணிகளை பயன்படுத்தும், நிர்வகிக்கும் மற்றும் கட்டுப்படுத்தும் அதிகாரம் மாகாண சபையிடமே இருக்கும்” என்று தனது தீர்ப்பில் கூறியுள்ளார்.

மேற்கூறிய அரசியலமைப்புச்சட்ட, நியதிச்சட்ட, தீர்ப்புச்சட்ட ஏற்பாடுகளின் பின்னணியிலேயே நாம் அமைச்சர் ரிசாத் பதியுதீனின் ஏற்பாட்டில், வடமாகாண சபைக்கு தெரியாமலும் அதன் ஆலோசனை பெறாமலும், ஒட்டுசுட்டானிற்கு எதுவித சம்பந்தமும் இல்லாத, எங்கேயோஇருக்கும் சில “நபர்களை”, பயனாளிகளாக, எவரின் விருப்ப்பபடியோ தெரிவு செய்து, அவர்களிற்கு காணி பங்கீடு செய்து, அமைச்சர் “சுவாமிநாதனின்” அனுசரணையுடன் பொருத்து வீட்டுத் திட்டமும் செய்துகொடுக்க ஏற்பாடாகியுள்ள விடயத்தை நாம் ஆராய வேண்டும்.

இவ் ஒட்டுமொத்த செயற்பாடும் அரசியலமைப்பு சட்டத்திற்கு முரணானது மட்டுமன்றி இயற்கை நீதிக் கோட்பாடுகளிற்கும் விரோதமானது.

வடபகுதி தமிழரின் எதிர்கால இருப்பிற்கு மிகப்பெரும் ஆபத்தாக உருவாகப் போகின்ற இவ் விடயங்கள் தொடர்பில், அதிகமான அதிகாரங்களை தன்வசம் வைத்திருக்கும் காணி அமைச்சருமான முதலமைச்சருமான விக்னேஸ்வரன் ஐயா, எந்தவிதமான உருப்படியான கருமங்களையும் செய்யாமல், ஐனாதிபதிக்கும் பிரதமரிற்கும் வெறும் கடிதங்களை எழுதிக் கொண்டிருப்பது தமிழருக்கு ஒருபோதும் நன்மை தராது…

இவ் விடயத்தில் முதலமைச்சர் மட்டுமல்ல, ஏனைய நான்கு அமைச்சர்களின் செயற்பாடுகளும் மாகாணசபை அமர்வுகளிற்குகூட ஒழுங்காக போகாமல், தமது சொந்த வேலைகளிற்கே அதிக நேரத்தை ஒதுக்கி வாழும் ஏனைய உறுப்பினர்களது செயற்பாடுகளும் கண்டிக்கப்பட வேண்டியவைகளாகும்….நிற்க…

இவ் விடயத்தில் வடமாகாண காணி அமைச்சரான விக்னேஸ்வரன் ஐயா அவர்கள் உடனடியாக களத்தில் இறங்கி, தனக்கு வாக்களித்த , வடபகுதி மக்களிற்காக கடமை செய்யத் தவறினால், இச்சட்டவிரோத குடியேற்றத்திற்கு எதிராக, உரிய நீதிமன்றில், உரிய நபர்களிற்கு எதிராக ( காணி அமைச்சர் விக்னேஸ்வரன் உட்பட) தமிழர் நலன்கருதி வழக்குத் தாக்கல் செய்வேன்.

“யார் சரி செய்தாலும் சரி…யார் பிழை செய்தாலும் பிழை…”

சட்டத்தரணி ஸ்ரனிஸ்லோஸ் செலஸ்ரின்.stanislos

Readers Comments (0)

Comments are closed.

செய்திகள்

Gopu

மூத்த பத்திரிகையாளர் எஸ்.எம்.கோபாலரத்தினம் காலமானார். [November 15, 2017]

கோபு என்றும் எஸ்.எம்.ஜி என்றும் தமிழ் பத்திகை உலகில் நன்கு ...
thanda

மட்டக்களப்பில் காத்தான்குடி பெண்ணுடன் இருந்த ஏழு இளைஞர்கள் கைது [November 13, 2017]

மட்டக்களப்பு பொலிஸ் பிரிவு தாண்டவன்வெளி பகுதியில் உள்ள வீடு ஒன்றில் ...
death

நீதிபதிக்கு கடிதம் எழுதிவிட்டு யாழில் ஒரே குடுபத்தை சேர்ந்த நால்வர் தற்கொலை [October 27, 2017]

கடன் பிரச்சினை  காரணமாக இன்று(27)   அரியாலைப் பகுதியைச் சேர்ந்த இளம் ...
nimalaraj-m1

புனிதர்களாகவும் நீதிமான்களாகவும் மாறிவிட்ட தமிழ் இயக்கங்கள். [October 26, 2017]

யாழ்ப்பாணத்தில் படுகொலை செய்யப்பட்ட ஊடகவியலாளர் மயில்வாகனம் நிமலராசனின் 17ஆவது ஆண்டு ...
swiss 02

சுவிஸ் பொலிசாரால் சுட்டுக்கொல்லப்பட்ட இலங்கையரின் இறுதி கிரிகைகள் பெலிஞ்சோனாவில் நடைபெற்றது. [October 21, 2017]

சுவிட்சர்லாந்து திச்சினோ மாநிலத்தில் பொலிஸாரினால் சுட்டுக்கொல்லப்பட்ட சுப்பிரமணியம் கரன் ( ...
vadama 3

போராலும் சுனாமியாலும் பாதிக்கப்பட்ட வடமராட்சிகிழக்கு கல்வியில் முன்னேற்றமடைந்து வருகிறது- வலயக்கல்விப்பணிப்பாளர் பாராட்டு. [October 19, 2017]

வடமராட்சி கிழக்கில் 5ஆம் ஆண்டு புலமைப்பரிசில் பரீட்சையில் சித்தியடைந்த மாணவர்களையும் ...
batti

மட்டக்களப்பில் புதிய உள்ளூராட்சி சபைகளை ஏற்படுத்த தமிழ்தேசிய கூட்டமைப்பு ஆராய்வு! [October 17, 2017]

மட்டக்களப்பு மாவட்டத்தில் புதிய நகரசபை உள்ளூராட்சி சபைகளை ஏற்படுத்த தமிழ்தேசிய ...
sampanthan

தேசிய தீபாவளி நிகழ்ச்சியில் பேசாமல் போன ஜனாதிபதி. [October 16, 2017]

பிரதமர் அலுவலகமும் புனர்வாழ்வு, மீள்குடியேற்றம் மற்றும் இந்து மத அலுவல்கள் ...
kattankudy

குழு மோதலில் ஏழு பேர் காயம். [October 16, 2017]

மட்டக்களப்பு காத்தான்குடி பொலிஸ் பிரிவிலுள்ள புதிய காத்தான்குடியில், இரு குழுக்களிடையில் ...
agri

புத்தூரில் விவசாயிகளுக்கு உணவு பயிர்கன்றுகள், பழமரக்கன்றுகள் ஜனாதிபதியால் வழங்கிவைப்பு. [October 14, 2017]

விளைச்சல் பெருகிட ஒருமித்து எழுவோம்' தேசிய உணவு உற்பத்திப் புரட்சி ...