Wednesday, January 17th, 2018

ரெலோ உறுப்பினர் குணசீலன் மகிந்த தரப்பிடமிருந்து 2கோடியை பெற்றார் என ரெலோ சிறிகாந்தா குற்றச்சாட்டு

Published on August 24, 2017-8:29 pm   ·   No Comments

gunaseelanகட்சியின் முடிவை மீறி அமைச்சர் பதவியைப் பொறுப்பேற்ற ரெலோவின் மாகாணசபை உறுப்பினர் குணசீலனுக்கு எதிராக கட்சியின் ஒழுங்கு நடவடிக்கை நிச்சயமாக – முன்னெடுக்கப்படும் என ரெலோவின் செயலாளர் என்.சிறிகாந்தா தெரிவித்துள்ளார்.

தங்கத்துரை, குட்டிமணி, சிறீ சபாரத்தினம் போன்ற தியாகிகளினால் வளர்த்தெடுக்கப்பட்ட ரெலோவில், அரசியல் கட்டாக்காலிகளுக்கு நிச்சயமாக இடமில்லை என்றும் அவர் கூறினார்.
அமைச்சர் பதவிக்கு ரெலோ விந்தனின் பெயரைப் பரிந்துரை செய்திருக்க அந்த இடத்திற்கு ரெலோவின் குணசீலன் அமைச்சராகப் பதவியேற்றிருக்கின்றமை குறித்து ரெலோவின் செயலாளர் நாயகம் சிறிகாந்தாவிடம் கேட்டபோதே அவர் மேற்கண்டவாறு கூறினார்.

இது கட்சியின் முடிவை மீறிய நடவடிக்கை. முதல்வர் அழைத்தார் என்பதற்காக ஓடிச்சென்று கபடத்தனமாக கையேந்தி பதவியைப் பெற முடியாது. கட்சியின் தீர்மானத்தைக் கருத்தில் கொண்டுதான் செயற்பட்டிருக்கவேண்டும்.

நிச்சயமாக இந்தச் செயற்பாடு தொடர்பில் அவருக்கு எதிராகக் கட்சி ஒழுங்கு நடவடிக்கை எடுக்கும். அதனைச் செயலாளர் நாயகம் என்ற முறையில் நான் உறுதியாகக் கூறுகின்றேன்.
இது தியாகிகள் குட்டிமணி, தங்கத்துரை, சிறீ சபாரத்தினம் போன்ற பெருந்தலைவர்களால் உருவாக்கி வளர்க்கப்பட்ட கட்சி. இதில் அரசியல் கட்டாக்காலிகளுக்கு அறவே இடமில்லை. அதனை நான் தெளிவாகக் கூறிவைக்க விரும்புகின்றேன்.

டெனிஸ்வரனுக்கு ஓர் நீதி குணசீலனுக்கு இன்னொரு நீதியாக அமைய முடியாது. ரெலோ சார்பில் முன்னர் அமைச்சுப் பதவியினை வகித்த பா.டெனீஸ்வரன் மாகாண சபை உறுப்பினர் சிலருடன் இணைந்து முதலமைச்சருக்கு எதிரான நம்பிக்கையில்லாத் தீர்மானத்தில் கையொப்பமிட்டார் என்ற காரணத்திற்காகவும் பின்னர் முதலமைச்சர் இரண்டாம் முறை நியமித்த விசாரணைக்குழு முன் தோன்ற மறுத்தமை காரணமாகவும் அவர் மீது கட்சி ஒழுங்கு நடவடிக்கை எடுத்தது. இவ் ஒழுங்கு நடவடிக்கையின் நிமிர்த்தம் அவரை அமைச்சுப் பதவியில் இருந்து நீக்கவும் முதலமைச்சரைக்கோரியது. முதலமைச்சரும் கட்சின் ஆலோசனையினைப் பெற்றே நீக்கினார். ஆனால், தற்போது புதிய அமைச்சர் நியமன விடயத்தில் அவ்வாறான ஒழுங்கு பேணப்படவில்லை.

முன்னாள் அமைச்சர் பா.டெனீஸ்வரனை நாம் அமைச்சுப் பதவியினை விட்டு நீக்க முதலமைச்சரைக் கோரியதுடன் கட்சியின் உறுப்புரிமையில் இருந்தும் ஆறு மாதங்களுக்கு இடைநிறுத்தியும் உள்ளோம். இந்த இடத்தில் டெனீஸ்வரனுக்கு ஓர் நீதியையும் மற்றையவரான குணசீலனுக்கு இன்னொரு நீதியையும் வழங்க முடியாது.

ஏற்கனவே குணசீலன் மீது எமது கட்சித் தலைவர் செல்வம் அடைக்கலநாதனும் வன்னியிலுள்ள சில மாகாண சபை உறுப்பினர்களும் பின்வரும் குற்றச்சாட்டுக்களை முன்வைத்து வருகின்றனர்.

2013 ஆம் ஆண்டு ரெலோ அதன் கட்சி உறுப்புரிமை படிவத்தினை வழங்கிய போது அதனை நிரப்புவதற்கு குணசீலன் மறுத்திருந்தார். அதற்கான காரணமாக, வடக்கு மாகாண சபை தெரிவு செய்யப்பட்டவுடன் தன்னை அமைச்சராக கட்சி நியமிக்கவில்லை என அவர் குற்றஞ்சாட்டியிருந்தார்.

மன்னார் மாவட்டத்தில் ரெலோ சார்பில் மாகாண சபை உறுப்பினராகத் தெரிவாகிய குணசீலன் அம் மாவட்டத்தில் உள்ள ஈ.பி.ஆர்.எல்.எவ். இன் முன்னாள் மன்னார் நகர சபை உறுப்பினர் குமரேஸ் என்பவரையே தனது அரசியல் சகாவாக இணைத்துச் செயற்பட்டார்.

குணசீலன் தற்போதும் ஓர் ஈ.பி.ஆர்.எல்.எப் உறுப்பினர் போலவே மன்னாரில் அடையாளப்படுத்தப்பட்டுள்ளார். குணசீலன் ரெலோ கட்சியையும் ரெலோ உறுப்பினர்களையும் கண்டு கொள்வதே கிடையாது.

2015 ஜனாதிபதித் தேர்தல் பிரசாரக் காலத்தில் தமிழர் வாக்குகளே யார் இந்த நாட்டின் ஜனாதிபதி என்பதைத் தீர்மானிக்கப் போகின்றது என்பது எதிர்வு கூறப்பட்டது. இந்நிலையில் வடக்கு மக்கள் மகிந்தவிற்கு வாக்களிக்க மாட்டர் என்பதை மகிந்த தரப்பு முற்கூட்டியே உணர்ந்திருந்தது. எனவே வட மாகாணத்திலுள்ள கூட்டமைப்பு மாகாண சபை உறுப்பினர் எவரையேனும் பயன்படுத்தி மைத்திரிக்குச் செல்லும் வாக்கினை தடுப்பதற்கு மகிந்தவின் சகாக்கள்; பணத்துடன் வடக்கிற்கு படையெடுத்திருந்தனர்.

இவர்கள் வடக்கில் கூட்டமைப்பின் குணசீலன் உள்ளிட்ட நான்கு மாகாண சபை உறுப்பினர்களை அணுகினர். அணுகியவர்கள், கூட்டமைப்பின் மாகாண சபை உறுப்பினராகிய நீங்கள் பகீரங்கமாக பத்திரிகையாளர் மாநாடு நடாத்தி மகிந்தவிற்கோ மைத்திரிக்கோ தமிழர்கள் வாக்களிகக்கூடாது எனக் கோரவேண்டும். அப்படிக்கோரும் போதும் தமிழ்த் தேசியக் கூட்டமைப்பான உங்கள் கட்சியாலும் உங்களாலும் மகிந்தவிற்கு வடக்கில் அளிக்கப்படுகின்ற வாக்குகளை தடுக்க முடியாது. ஆனாலும் மைத்திரியை ஆதரித்து நிற்கும் உங்களாலும் உங்கள் கட்சியாலும் மைத்திரிக்கு விழும் வாக்கினைத் தடுக்க முடியும். எனவே மகிந்தவுக்கோ மைத்திரிக்கோ தமிழ் மக்கள் வாக்களிக்கக் கூடாது என நீங்கள் பத்திரிகையாளர் மாநாடு நடாத்தி பகீரங்கப் படுத்தப்படுத்த வேண்டும்.

மாநாடு நடத்திய உடன் உங்கள் நால்வருக்கும் தலா 50 இலட்சம் விகிதம் இரண்டு கோடி வழங்குவோம். மகிந்த ஜனாதிபதியாகியவுடன் மிகுதி இரண்டு கோடி ரூபா வழங்குவோம் எனப் பேரம் பேசினர். இதை மூன்று மாகாண சபை உறுப்பினர்கள் முற்றாக நிராகரித்தனர். ஆனால் குணசீலன் மட்டுமே வவுனியாவில் பகீரங்கமாகப் பத்திரிகையாளர் மாநாடு நடாத்தி மைத்திரிக்கும் மகிந்தவுக்கும் தமிழ் மக்கள் வாக்களிக்கக் கூடாது எனக் கோரியிருந்தார். இவ்விடயம் தேர்தல் காலத்தில் ஊடகங்களிலும் கட்சிகள் மட்டத்திலும் பரபரப்பாகப் பேசப்பட்டும் எழுதப்பட்டும் வந்த ஒரு முக்கியமான விடயமாகும். நிலைமை இவ்வாறிருக்க நாம் எப்படி இவருக்கு எதிராக நடவடிக்கை எடுக்க முடியாதிருக்கும் என்பதையும் எமது கட்சி உறுப்பினர்கள் கேள்வியாக உள்நாட்டிலிருந்தும் வெளிநாட்டிலிருந்தும் தொடர்ச்சியாக எழுப்பிவருகின்றார்கள்.

மாகாண சபை உறுப்பினர்களுக்கு ஒதுக்கப்படும் குறித்தொதுக்கப்பட்ட நிதியில் மோசடி செய்தமை தொடர்பில் குணசீலன் ஏற்கனவே சிக்கலில் மாட்டியிருந்தார். ரூபா பத்து இலட்சத்திற்கு, பாதிக்கப்பட்டவர்களுக்கு வழங்குவது என்ற பெயரில்; துவிச்சக்கர வண்டிகள், தையல் இயந்திரம், மடிக் கணினி பேன்றவற்றை கொள்வனவு செய்த குணசீலன் அவற்றினை தன்னுடைய உறவினர்களினதும் அவரது தேர்தல் பிரசாரத்தில் பணியாற்றியோரினதும் பெயர்களில் ‘உதவித் திட்டம்’ எனக் பயனாளிகளைத் தெரிவு செய்து பின்பு அவற்றை அவர்களுக்கு வழங்கி வழங்கியவற்றை மீளச் சேகரித்து மன்னாரிலுள்ள தன்னுடைய உறவினர் ஒருவரின் சைக்கிள் கடையிலும் ஏனைய கடைகளிலும் விற்றபோது பாதிக்கப்பட்டவர்கள் சம்பவத்தினை வெளிப்படுத்தினர். பின்னர் இவ்விடயம் தொடர்பில் சம்பந்தப்பட்ட வடமாகாணத் திணைக்களமும் மாகாண கணக்காய்வுத் திணைக்களமும் நேரடியாகக் களத்தில் இறங்கி விற்கப்பட்ட அவ்வளவு பொருட்களையும் பறிமுதல் செய்தது என்பதும் குறிப்பிடத்தக்கது.

இவற்றுக்கு மேலாக, குணசீலன் வைத்தியராக  இருந்தபோது முன்னைய வட மாகாண சுகாதாரப் பணிப்பாளர் திருமதி யூட் ரஜனி அவர்களால் குற்றமிழைத்தமைக்காக பணி இடைநிறுத்தம் செய்யப்பட்டு வைக்கப்பட்டார் என்பதும் குறிப்பிடத்தக்கது. மேற்கூறப்பட்ட குற்றங்கள், துஸ்பிரயோகங்களுக்காகவே குணசீலனின் பெயரை ரெலோ அமைச்சுப் பதவிக்காக ஆராயவில்லை.

இவ்வாறு ரெலோ தலைவர் செல்வம் அடைக்கலநாதனே இவரை நிராகரித்திருந்த நிலையில் ஏனைய ரெலோ உறுப்பினர்களும் சுகாதார அமைச்சராக பதவியேற்றுள்ள குணசீலனுக்கு எதிராக நடவடிக்கைக்குத் தயாராகியுள்ளனர்.srikantha

Readers Comments (0)

Comments are closed.

செய்திகள்

kennady

நண்பன் கெனடியின் மரணம்- அதிர்ச்சியிலிருந்து மீளமுடியவில்லை. – இரா.துரைரத்தினம். [January 11, 2018]

எனது மிகநெருங்கிய நண்பனும் கிழக்கு பல்கலைக்கழக முன்னாள் விரிவுரையாளரும், எத்தோப்பிய ...
vavuniya

மகாறம்பைக்குளத்தில் பெண் ஒருவர் கொலை- பெண்ணின் காதலனும் சடலமாக மீட்பு [January 9, 2018]

வவுனியா மகாறம்பைக்குளம் பொலிஸ் காவலரனுக்கு பின்புறம் அமைந்துள்ள வீடொன்றிலிருந்து இன்று ...
srinesan 3

ஊடகவியலாளர்கள் கல்விமான்களை வேட்டையாடியவர்கள் வாக்கு கேட்கின்றனர். [January 8, 2018]

புத்திஜீவிகள் ஊடகவியலாளர்கள் கல்விமான்களை படுகொலை செய்தவர்கள் இன்று வாக்கு கேட்கின்றனர். ...
ananda

ஆனந்தசங்கரி- சுரேஷ் கூட்டணியின் தேர்தல் விஞ்ஞாபனம்- வேசம் கலைந்தது. [January 5, 2018]

ஆனந்தசங்கரி மற்றும் ஈ.பி தலைவர் சுரேஷ் பிரேமச்சந்திரன் ஆகியோரின் கூட்டணியான ...
raveendran

பொதுமக்களை பொலிஸார் அச்சுறுத்தினால் உடன் அறிவியுங்கள்- பொலிஸ் ஆணைக்குழு அறிவிப்பு [January 5, 2018]

பொதுமக்களை தாக்குதல், அடித்தல் துன்புறுத்தல் மற்றும் அதிகாரத்தை முறைகேடாகப் பயன்படுத்துதல் ...
uthayakuma

யாழ் மற்றும் மட்டக்களப்பு மாநகரசபைகளுக்கான சூரியன், சைக்கிள் கட்சிகளுக்கு நடந்த அவலம். [December 21, 2017]

யாழ்ப்பாண மாநகரசபைக்கென தமிழர் விடுதலைக் கூட்டணி சமர்ப்பித்த வேட்புமனு உரிய ...
sritharan

கிளிநொச்சி மாவட்டத்தில் பங்களாகிக்கட்சிகளை ஒதுக்கவில்லை – சிறிதரன் விளக்கம். [December 21, 2017]

கிளிநொச்சி மாவட்டத்தில் 3 பிரதேச சபைகளுக்குமான தேர்தல் வேட்பாளர் பட்டியலில் ...
ananthy 1

அனந்தி வந்தபோது எழுந்து நிற்காமல் மேலும் கீழும் பார்த்த வயதான காவலாளியின் வேலை பறிபோனது! [December 17, 2017]

வடமாகாண அமைச்சர் அனந்தி சசிதரனிற்கு எழுந்து மரியாதை செய்யாத வயதான காவலாளி ...
DSC02631

முனைப்பினால் 34 பேருக்கு வாழ்வாதார உதவிகள் [December 11, 2017]

முனைப்பு சிறிலங்கா நிறுவனத்தின் வறுமைக் கோட்டின் கீழ் வாழும் மக்களின் வாழக்கைதரத்தினை மேம்படுத்தும் வேலைத்திட்டத்தின் கீழ்  இவ்வாண்டு (2017) 34 பேருக்குவாழ்வாதாரத்துக்கான உதவிகள் வழங்கி வைக்கப்பட்டுள்ளதுடன் அத்திட்டங்கள் ஊடாகபயனாளிகள் நாளாந்த வருமானத்தைப்பெற்று வருவதாக முனைப்பின்சிறிலங்காநிறுவனத்தின் செயலாளர் இ.குகநாதன் தெரிவித்தார்.   மட்டக்களப்பிலுள்ள தெரிவு செய்யப்பட்ட  சில குடும்பங்களுக்கு  வாழ்வாதரஉபகரணங்கள்  வழங்கும் நிகழ்வு  (9.12.2017) சனிக்கிழமை மாலை மட்டக்களப்பு கச்சேரியில்வைத்து வழங்கி வைக்கப்பட்டது. முனைப்பின் சிறிலங்காநிறுவனத்தலைவர் மா.சசிகுமார் தலைமையில் நடைபெற்ற நிகழ்வில்  பிரதம அதிதியாக மாவட்ட அரசாங்க அதிபர் மாணிக்கம் உதயகுமார் கலந்து கொண்டுபயனாளிகளுக்கு உபகரணங்களை வழங்கி வைத்தார். சுவிட்சர்லாந்து முனைப்பு நிறுவனத்தின் நிதி அனுசரணையுடன் இந்த வாழ்வாதார உபகரணங்கள் வழங்கப்பட்டன. இந்த வைபவத்தில்;  மட்டக்களப்பு மாவட்ட செயலக கணக்காளர் நேசராசா மற்றும்மட்டக்களப்பு மாவட்ட உள்ளுராட்சி உதவி ஆணையாளர் கே.சித்திரவேல் மற்றும்சுவிட்சர்லாந்து முனைப்பு நிறுவனத்தின்  நிறைவேற்றுப்பணிப்பாளர்மாணிக்கப்போடி.குமாரசுவாமி உட்பட முனைப்பு சிறிலங்கா நிறுவனத்தின்  பொருளாளர்அரசரெத்தினம்  தயானந்தரவி , உப செயலாளர் எல் தேவஅதிரன்  உட்பட பலமுக்கியஸ்தர்கள் கலந்து கொண்டனர்.
UNO GENEVA

69வது வருடத்தை கொண்டாடும் சர்வதேச மனித உரிமை பிரகடனம் . [December 10, 2017]

மனித உரிமைகளின் வரவிலக்கணம், அடிப்படைகளை கிறேக்கர், உரோம காலத்தில் உருவானதாக ...